آداب عشق رسول صلی اللہ علیہ و سلم |
ہم نوٹ : |
 |
جہنم میں جائے گا، لیکن یہ کہنا کہ یا اللہ! اپنے مقبول بندوں کے صدقے میں ، اپنے اولیاء کے صدقے میں اور سب سے بڑھ کر ہمارے پیارے رسول اللہ صلی اللہ تعالیٰ علیہ وسلم کے صدقے میں ہماری دعاؤں کو قبول فرمالیجیے۔ بتا دیا کہ انبیاء اور اولیاء کا وسیلہ جائز ہے یعنی ان کے وسیلے سے اﷲ تعالیٰ سے مانگنا جائز ہے، براہِ راست انبیاء و اولیاء کی قبروں سے مانگنا شرک ہے۔ بدعت کی خرافات خیریہ چند باتیں کہہ دیں تاکہ آپ کو معلوم ہوجائے کہ مسجدِ اشرف میں چراغاں کیوں نہیں ہوا۔ شکر ادا کرو کہ صحابہ کے مطابق ہمارا ربیع الاوّل گزرا ہے۔ سیّد نا ابو بکر صدیق رضی اللہ تعالیٰ عنہ نے اگر مسجدِ نبوی میں چراغاں نہیں کیا، تو آج الحمدللہ ہماری مسجد میں بھی چراغاں نہیں ہوا۔ الحمدللہ! یہاں سنت کا نور ہے۔ سنت کا چراغ دل میں جلاؤ، سنتوں پر عمل کرو۔ ایک سنت کا نور سورج چاند سے بڑھ کر ہے۔ جس نے سنت پر عمل کرکے سنت کا نور حاصل کرلیااس کو ان چراغوں سے ان بلبوں سے کیا نسبت؟ اس کے دل میں تو سورج اور چاند سے زیادہ نور آگیا، کیوں کہ سورج اور چاند مخلوق کا نور ہے، اتباعِ سنت سے خالق کا نور دل میں آتا ہے ؎تسخیرِ مہر و ماہ مبارک تمہیں مگر دل میں اگر نہیں تو کہیں روشنی نہیں ان کے دل میں اگر روشنی ہوتی تو جماعت سے نمازیں ادا کرتے، ان کے چہروں پر داڑھیاں ہوتیں، گھروں میں تصویریں نہ ہوتیں۔ کیا حضور صلی اللہ علیہ وسلم اس لیے تشریف لائے تھے کہ صرف ربیع الاوّل میں امت آپ کی محبت میں شعر پڑھ لے، جلوس نکال لے اور گھوڑے پر بیٹھ جائے؟ بعض علاقوں میں نعوذ باﷲ! حضو ر صلی اللہ تعالیٰ علیہ وسلم کی پیدایش دکھائی گئی اور آپ کی والدہ کی آواز نکالی گئی گویا کہ نو مہینے پورے ہوگئے، اس کے بعد ایک عورت نے تکلیف میں رونے کی آواز نکالی اور پھر ایک بچے کی پیدایش دکھائی گئی، وہ بچہ کیں کیں کررہا ہے اور کہا گیا کہ نعوذ باﷲ! حضور صلی اللہ تعالیٰ علیہ وسلم پیدا ہو گئے۔ یہ کیا ہورہا ہے؟ ذرا سوچو! یہ دین کا مذاق اُڑایا جا رہاہے یا نہیں؟یہ عشقِ رسول ہے یا گستاخی ہے؟ ان حماقتوں پر دل خون کے آنسو روتا ہے۔