آداب عشق رسول صلی اللہ علیہ و سلم |
ہم نوٹ : |
 |
کے ہاتھ سے نوالہ گرگیا، وہ اسے اٹھا کر کھانے کے لیے صاف کرنے لگے، تو ایک صاحب نے اشارے سے منع کیا کہ ایسا نہ کریں، ورنہ وہ کہیں گے کہ مسلمان قلاش اور سات پشت کے فقیر ہیں، اس میں اسلام کی توہین ہے تو حضرت حذیفہ نے کیسا پیارا جواب دیا أَ اَتْرُکُ سُنَّۃَ رَسُوْلِ اللہِ لِھٰؤُلَاءِ الْحُمَقَاءِ ؟ کیا میں ان نادانوں اور بے وقوفوں کی وجہ سے اپنے نبی صلی اللہ علیہ وسلم کی سنت کو چھوڑ دوں؟ اسی طرح آج کل لوگ پیالہ چاٹنے کی سنت پر عمل کرنے سے شرماتے ہیں۔ علامہ شامی نے حدیث نقل کی ہے کہ جب پیالہ چاٹا جاتا ہے تو پیالہ دعا دیتا ہے اَعْتَقَکَ اللہُ مِنَ النَّارِ کَمَا اَعْتَقْتَنِیْ مِنَ الشَّیْطَانِ 12؎ خدا تجھ کوجہنم سے بچائے جیسے تونے مجھے شیطان سے بچایا۔کیوں کہ اگر کھانے کے بعد پیالے کو نہ چاٹا جائے تو اس میں لگا ہوا کھانا شیطان صاف کرتا ہے۔ سبحان اللہ! سرورِ عالم صلی اللہ تعالیٰ علیہ وسلم کی محبت بھی کیا نعمت ہے! محبت کا انعامِ عظیم ایک صحابی سرورِ عالم صلی اللہ تعالیٰ علیہ وسلم کو بغیر پلکیں جھپکائےٹکٹکی باندھ کر دیکھ رہے تھے، تو آپ نے فرمایا:کیا بات ہے؟ آج تم اتنی محبت سے مجھے دیکھ رہے ہو کہ آنکھیں جھپک بھی نہیں رہی ہیں۔ انہوں نے عرض کیا کہ اس لیے دیکھ رہاہوں کہ یہاں تو جب دل تڑپتا ہے تو آکر آپ کی زیارت کر لیتا ہوں، لیکن جنت میں آپ کا درجہ بہت اونچا ہوگا وہاں ہم آپ کو کیسے دیکھیں گے؟ آپ نے فرمایا اَلْمَرْءُ مَعَ مَنْ اَحَبَّ 13؎ جس کو جس سے محبت ہے وہ اسی کے ساتھ رہے گا۔ دیکھا آپ نے محبت کیسی نعمت ہے۔ محبت والے کی دو رکعات غیر محبت والے کی لاکھ رکعات سے افضل ہے، اس لیے اللہ تعالیٰ نے اس آیتِ مبارکہ میں ارشاد فرمایا کہ اگر تم اللہ تعالیٰ کی محبت کا دعویٰ کرتے ہو تو اے نبی (صلی اللہ تعالیٰ علیہ وسلم)! آپ اعلان فرمائیے فَاتَّبِعُوْنِیْ میری اتباع کرو یُحْبِبْکُمُ اللہُ اللہ تعالیٰ تم کو محبوب کر لے گا۔ معلوم ہوا کہ اللہ تعالیٰ کا پیارا وہی ہے جو متبعِ سنت ہے۔ _____________________________________________ 12؎کنزالعمال:253/15(40829)، مؤسسۃالرسالۃ 13؎صحیح البخاری:911/2 (6198)، باب علامۃ الحب فی اللہ،المکتبۃ المظہریۃ