رسول اللہ صلی اللہ علیہ و سلم کی نظر میں دنیا کی حقیقت |
ہم نوٹ : |
|
’’محی السُنّۃ حضرت مولانا شاہ ابرار الحق صاحب رحمۃ اللہ علیہ کا جواب‘‘ مکرمی حکیم صاحب...... السلام علیکم ورحمۃ اللہ وبرکاتہ عزیزم مظہر سلّمہٗ کا خواب بہت مُبارک ہے رائی اور مرئی حضرات کے لیے۔ سب کے لیے بشارت ہے خدمتِ دین کی۔ اللہ تعالیٰ اس کی توفیق باحسن وجوہ عطا فرمائیں۔ والسلام ......ابرارالحق ۱۴؍رجب ۱۳۸۹ھ اس خواب کی تعبیر یوں ظاہر ہوئی کہ کئی سال بعد حضرت والا نے پیش نظر کتاب ’’رسول اللہ صلی اللہ علیہ وسلم کی نظر میں دنیا کی حقیقت‘‘ تحریر فرمائی جو مشکوٰۃ کتاب الرقاق کی منتخب احادیث اور ان کا ترجمہ و تشریح ہے۔ حضرت والا کے تحریر کردہ مسودہ کو احقر دوسرے کاغذ پر نقل کرکے کاتب کو دے دیتا تھا اور اُنگلی کاٹ کر شہیدوں میں نام لکھوانے کا مصداق بننے کی کوشش کرتا تھا۔ اللہ تعالیٰ اپنے کرم سے قبول فرماکر احقر کی مغفرت کا بہانہ بنادیں اور حضرت مُرشدی مدظلہم العالی کی بلندیٔ درجات اور صدقۂجاریہ کا ذریعہ بنادیں۔ اٰمِیْن یَارَبَّ الْعٰلَمِیْنَ بِحُرْمَۃِ سَیِّدِ الْمُرْسَلِیْنَ عَلَیْہِ الصَّلٰوۃُ وَالتَّسْلِیْم یہ کتاب اہلِ علم میں بہت مقبول ہے اور تیس بتیس سال سے شایع ہورہی ہے۔ راقم الحروف احقر سید عشرت جمیل ملقب بہ میر عفا اللہ تعالیٰ عنہ ۲۸؍ ربیع الثانی ۱۴۲۶ھ