ماہنامہ انوار مدینہ لاہور دسمبر 2016 |
اكستان |
 |
پھیلاتے ہیں جیسا کہ کلکتہ اوردوسرے مقامات میں مشاہدہ ہوا ہے اس لیے باقاعدہ انتظام کیا جائے اور جب تک کہ سمجھ دار لوگ حکم نہ دیں کوئی کار روائی نہ کی جائے ،ہرفرقہ اورہر قوم میں انتظام کیاجائے اور اُن کومنظم طریقہ پرہرکام کے لیے تیار کیاجائے۔ (١٩) ہرجگہ والنٹئیرکور ١ قائم کی جائیں اور باقاعدہ اُن میں ہر قسم کاانتظام کیاجائے۔ (٢٠) اگرغیر مسلم اقوام مسلمانوں پردست اندازی کریں تو حتی الوسع عفو اورعالی حوصلگی سے کام لیا جائے مگر اپنی قوت ہر ضلع اور ہر صوبہ میں مکمل طریقہ پرمنظم ہواورجب تک سخت مجبوری لاحق نہ ہو جنگ کوظاہر نہ ہونے دیا جائے اور اپنی تنظیم ایسی کرلی جائے کہ غیر مرعوب ہوجائے۔ (٢١) اسلام کی اشاعت میںپوری کوشش کی جائے اورنہایت مشفقانہ اور ناصحانہ طریقہ پر لوگوں کواسلام کی طرف بلایا جائے۔ (٢٢) جولوگ مسلمانوں میں مشرکانہ رسوم کے پابند ہیں اور غیروں کے پڑوس کی وجہ سے قواعد اسلام میں کمزور ہیں اُن کوراہ ِ راست پرلایا جائے اور نہایت نرمی اور محبت سے اُن کودرست کیا جائے۔ وَاٰخِرُ دَعْوَانَا اَنِ الْحَمْدُ لِلّٰہِ رَبِّ الْعَالَمِیْنَ۔ قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اَپنا چندہ بھی اِرسال فرمادیں اَوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(اِدارہ)١ رضا کار دستے