ماہنامہ انوار مدینہ لاہور دسمبر 2016 |
اكستان |
 |
قبائلِ عرب اور سردارانِ عرب کے ساتھ ایسے ایسے کارنامے جنابِ رسول اللہ ۖ اور مسلمانوں نے کیے اور صلیبیوں کی تفصیلی کار روائیوں کو خود عیسائی مو ٔرخوں سے پوچھ لیجئے۔ ٭ سلطان محمد فاتح قسطنطنیہ کے کارنامے اور عیسائی بادشاہوں اور قوموں کے کارنامے ذرا غور سے ملا حظہ کر لیجئے اسپین، مالٹا، سسلی وغیرہ میں عیسائیوں نے غالب ہو کر کیا کیا کہ آج وہاں اسلام کانام لیوا نظر نہیں آتا۔ ٭ گریٹ، مقدونیہ، یونان، بلگیریا، سرویہ، مانٹی نگرو وغیرہ میں یو نانیوں نے کیا کیا اور اِس کے بر خلاف ترکوں نے دوبارہ قبضہ پالینے کے بعد سمرنا، استنبول، ایڈیا نوپل کی عیسائی آبادی کے ساتھ کیا کیا۔ ٭ دُور کیوں جاتے ہو خود سلطان عالمگیر اورنگزیب غازی پاشا مرحوم ومغفور جس کو اپنے مقاصد اور پروپیگنڈے کے لیے یورپین تاریخیں نہایت سنگدل اور متعصب بتلاتی ہیں اُس کے ہی سچے کارناموں کے سچے لکھنے والے انگریز مؤرخیں وغیرہ سے پوچھ لیجئے، کپتان الیگز نڈر ہملٹن کا سفر نامہ جوکہ اُس زمانہ میں تقریبًاپچیس برس ہندوستان میں رہا اور پھرا ہے دیکھ لیجئے کس طرح حکومت کی طرف سے آزادی ٔ مذاہب کی تعریف کرتا ہے اور پا دشاہی بے تعصبی اور دریا دلی کی تعریف کرتاہے۔ ٭ سیواجی نے مسلمانوں اور اورنگزیب کے جرنیل افضل خاں مر حوم کے ساتھ حکومت کے مقابلہ میں کیا کیا کار روائیاں نہیں کیں اور جب اورنگزیب کے سامنے پکڑا ہوا آیا اور معافی کا خواستگار ہوا تو اُس کو عالی ظرفی اور وسیع حوصلگی ہی سے شکار کیا گیا،معاف کر کے چھوڑ دیاگیاعدل و انصاف کو بالائے طاق رکھا گیا ۔ ہم اگر مسلمان بادشاہوں کی رواداری اور بے تعصبی کی تفصیل اِس جگہ پیش کریں تو بہت بڑا دفترتیار ہو جائے اور علیٰ ہذا القیاس اِن کے مقابلہ میں ضد اور تعصب انواع واقسام کے مظالمِ و حشیانہ کی فہرست غیر مسلم قوموں کی بھی بڑے بڑے دفاتر کی محتاج ہے مگر مُشتے نمونہ اَز خر وارے سلطان اورنگ زیب کا مختصر سافرمان نقل کرتے ہیں : اورنگزیب مرحوم کی متعدد ہندو مندروں کی جاگیروں کی سندیں دھات کے پتروں پر ثابت ہوکر معتبر اخبارات و رسائل میں چھپ چکی ہیں