ماہنامہ انوار مدینہ لاہور اگست 2015 |
اكستان |
|
صحیح العقیدہ ہو وہ خارجی، رافضی یا بدعت کا داعی اور بانی نہ ہو، دُوسری طرف اُس کا عملی پہلو یہ تھاکہ ہر ایک راوی کے ذاتی حالات واَخلاق اور اُس کے عقائد کی تحقیق شروع کردی، سینکڑوں پاکباز و خدا ترس طالبانِ حق ہیں جنہوں نے اپنی زندگیاں اِس تحقیقات پر صرف کردیں، تھوڑے سے راوی وہ ہیں جن کے بارے میں اِن محققین کی آراء مختلف ہوئیں جس کی وجہ یہ تھی کہ اُن کی زندگی کے تمام پہلواُن کے سامنے نہیں آسکے، کسی کے سامنے زندگی کا وہ رُخ آیا کہ قابلِ اِعتماد اور قابلِ تعریف تھا، کسی کے سامنے وہ دُوسرا رُخ آگیا جس نے اُس کو ناقابلِ اِعتماد گردان دیا، اِن تھوڑے سے راویوں کے علاوہ تمام راوی وہی ہیں جن کے بارے میں حضراتِ محققین کی رائیں متفق رہیں کہ وہ قابلِ اِعتماد ثقہ اور عادل ہیں یا نہیں ہیں ،جن کے حالات معلوم نہیں ہو سکے اُن کو مستور الحال یا مجہول قرار دیا اور اُن کی روایتیں درجہ صحت سے ساقط مانی گئیں۔ قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اپنا چندہ بھی اِرسال فرمادیں اوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(اِدارہ)