ماہنامہ انوار مدینہ لاہور جنوری 2015 |
اكستان |
 |
منگوایا ہے جو قرآنِ مجید مع فتح الحمید کے نام سے (١٣جون ١٩٣٥ئ/١١ ربیع الاوّل١٣٥٤ھ) چھپاہوا ہے اُس میں عربی متن کے ساتھ ساتھ مولوی فتح محمد جالندھری کا اُردو ترجمہ بھی چھاپا گیا ہے اُس کے عربی متن کے بارے میں ناشر لکھتے ہیں : ''خط ِ نسخ پیر عبدالحمید صاحب خوشنویس متوطن وزیر آباد کے قلم معجز رقم کا لکھا ہوا ہے جنہیں اپنے فن میں اَعلیٰ دستگاہ حاصل ہے، کتابت کے علاوہ تصحیح بھی خاص اہتمام سے کرائی گئی ہے، کمپنی کی طرف تقریبًا ڈیڑھ درجن مصححوں نے اِس نسخے کو خاص دِقت ِ نظر سے پڑھا ہے، آخر میں ہمارے واجب التعظیم بزرگِ دین حضرت مولانا مفتی محمد کفایت اللہ صاحب صدر جمعیة العلمائِ ہند دہلی کو نظر ثانی کی تکلیف دی گئی ہے جنہوں نے اپنے ہمراہ چند جیدو دَقیقہ رس مصححوں کی ایک جماعت لے کر نسخہ ہذٰا کوتمام و کمال ملاحظہ فرمایا ہے چنانچہ اِس قسم کی اِحتیاطوں کی بنا پرہم کہہ سکتے ہیں کہ قرآنِ مجید کا یہ عکسی نسخہ اَغلاط سے کُلِّیَةً پاک اور بے نظیر صوری و معنوی خوبیوں کا حامل ہے۔'' چنانچہ یہی وجہ ہے کہ حضرت مولانا مفتی محمدکفایت اللہ صاحب نے اِس کی تصدیق اِن مند رجہ ذیل الفاظ میں کی ہے : تصدیق صحت ِمتن اَزجناب مفتی محمد کفایت اللہ صاحب، صدر جمعیة العلمائِ ہند دہلی ''میںنے تاج کمپنی لمیٹڈ لاہور کی خواہش پر اِس قرآنِ مجید کا متن حرفًا حرفًا پورے غور و امعانِ نظر سے پڑھا اور جہاں تک اِنسانی سعی کا تعلق ہے میں پورے و ثوق سے کہہ سکتا ہوں کہ اِس مصحف ِ مقدس کے متن میں کوئی غلطی نہیں رہی، غلطیوں کی درستگی بھی میں نے اپنی نگرانی میں کرادی ہے۔'' ١١ ربیع الاوّل ١٣٥٤ھ فقیر محمد کفایت اللہ کَانَ اللّٰہُ لَہ