ماہنامہ انوار مدینہ لاہور جنوری 2015 |
اكستان |
 |
اللہ تعالیٰ نے قرآنِ پاک کی آیت میں نازل فرمایا تھا ( اِنْ تُبْدُوْا مَا فِیْ اَنْفُسِکُمْ اَوْ تُخْفُوْہُ ) جو تمہارے اَندر دِلوں میں ہے ظاہر کرو یا چھپاؤ ( یُحَاسِبْکُمْ بِہِ اللّٰہُ ) اللہ تعالیٰ تم سے اُس کا حساب فرمائیں گے،یہ بات تو اِیمان والوں کے لیے بہت ہی شاق ،تشویش اور بے چینی کی تھی کہ ہمارے دِل میں جو بات آئے ہمارے ذہن میں جو بات آئے اللہ تعالیٰ اُس بات کا بھی حساب فرمائیں تو اِس تکلیف میں مبتلا رہے صحابہ کرام کچھ وقت جب تک اِس آیت کی مزید تشریح نہیں ہوئی کہ کیسے ہوگا یہ حساب اور کیسے اِس سے بچنا ہوسکتا ہے ۔ آقائے نامدار ۖ نے فرمایا کہ نہیں ایسی صورت نہیں ہے بلکہ وسوسے جو ذہن میں آتے ہیں اللہ تعالیٰ نے اُن کو معاف فرمایا ہے مَا لَمْ تَعْمَلْ بِہ جب تک اُس پر عمل نہ کرے اَوْ تَتَکَلَمْ یا وہ زبان سے اَدا نہ کرے ،ذہن میں جو چیز آئی ہے جو اللہ تعالیٰ کے اَحکام کے خلاف ہوتی ہو تو اُس پراگر عمل نہیں کیا تو کوئی حساب نہیں بلکہ عمل نہ کرنے پر آگے حدیثوں میں دُوسری جگہ آتا ہے کہ ثواب ہے، ذہن میں بات آئی اور اُس سے رُک گیا تو رُکنے پر ثواب ہے، اِسی طرح سے کوئی بات ذہن میں آئی ہے مگر اُس کو ذہن میں ہی رکھا ظاہر نہیں کیا زبان سے اَدا نہیں کیا تو کوئی حرج نہیں اُس پر بھی کوئی گرفت نہیں۔ وسوسوں کے متعلق سوال : صحابہ کرام نے ایک دفعہ دریافت کیا اِنَّا نَجِدُ فِیْ اَنْفُسِنَا مَا یَتَعَاظَمُ اَحَدُنَا اَنْ یَّتَکَلَّمَ بِہ ہمارے ذہنوں میں بعض دفعہ ایسے خیالات آتے کہ گفتگو اور زبان پر لانا بھی اُن کا ایسا لگتا ہے جیسے بہت بڑا گناہ ہے ،بہت گراں گزرتی ہیں یہ چیزیں ہمیں اِس طرح کی۔ حکیمانہ جواب : تو آقائے نامدار ۖ نے فرمایا اَوَ قَدْ وَجَدْ تُّمُوْہُ کیا تم (ایسے خیالات کی وجہ سے اپنے اَندر)ایسی تکلیف پاتے ہو ؟ قَالُوْ نَعَمْ اُنہوں نے کہا ایسی بات تو ہے ،اَب آپ کہیں گے کہ وسوسے آنے کون سی اچھی بات ہے ! لیکن وسوسے آنے کا مطلب ہے کشا کش شروع ہوئی ہے اور کشا کش کا