ماہنامہ انوار مدینہ لاہور مارچ 2014 |
اكستان |
|
'' اے میرے اللہ پاک ہے تیری ذات اور تیرے ہی لیے ہے ہر تعریف ،اور برکت والا ہے تیرا نام، اُونچی ہے تیری شان اور تیرے سوا کوئی معبود نہیں۔ میں اللہ کی پناہ لیتا ہوں شیطان مردُود سے۔ شروع کرتا ہوں اللہ کے نام سے جو بڑی رحمت والا نہایت مہربان ہے۔ '' ( اَلْحَمْدُ لِلّٰہِ رَبِّ الْعَالَمِیْنَ o اَلرَّحْمٰنِ الرَّحِیْمِ o مَالِک یَوْمِ الدِّیْنِ o اِیَّاکَ نَعْبُدُ وَ اِیَّاکَ نَسْتَعِیْنُ o اِھْدِنَا الصِّرَاطَ الْمُسْتَقِیْمَ o صِرَاطَ الَّذِیْنَ اَنْعَمْتَ عَلَیْھِمْ غَیْرِ الْمَغْضُوْبِ عَلَیْھِمْ وَلَا الضَّآلِیْنَ o ) آمین۔ ''سب تعریفیں اللہ کے لیے ہیں جو سب جہانوں کا پرور دگار ہے بڑی رحمت والا اور نہایت مہربان ہے، جزا کے دِن کا مالک ہے ،ہم تیری ہی عبادت کرتے ہیں اور تجھ ہی سے مدد مانگتے ہیں، اے اللہ! ہم کو سیدھے راستے پر چلا، اُن اچھے بندوں کے راستے پر جن پر تونے فضل فرمایا، نہ کہ اُن پر کہ جن پر تیرا غضب و غصہ ہوا اور نہ کہ جو گمراہ ہوئے، اے اللہ ! میری یہ دُعا قبول فرما۔ '' اِس کے بعد کوئی سورة یا کسی سورة کا کچھ حصہ پڑھیں، ہم یہاں قرآنِ شریف کی چھوٹی چھوٹی سورتیں ترجمہ کے ساتھ درج کرتے ہیں : ( وَالْعَصْرِ o اِنَّ الْاِنْسَانَ لَفِیْ خُسْرٍo اِلَّا الَّذِیْنَ اٰمَنُوْا وَعَمِلُوْا الصّٰلِحٰتِ وَتَوَاصَوْا بِالْحَقِّ وَتَوَاصَوْا بِالصَّبْرِo ) ''قسم ہے زمانہ کی کہ سارے اِنسان ٹوٹے(خسارے) میںہیں (اور اُن کااَنجام بہت برا ہونے والا ہے) سوا ئے اُن کے جواِیمان لائے اور اُنہوں نے اچھے عمل کیے اور ایک دُوسرے کو حق (سچے دین) کی وصیت کی اور صبرکی تلقین کی۔ '' ( قُلْ ھُوَ اللّٰہُ اَحَدo اَللّٰہُ الصَّمَدُ o لَمْ یَلِدْ وَلَمْ یُوْلَدْ o وَلَمْ یَکُنْ لَّہ کُفُوًا اَحَد o ) ''کہو، اللہ ایک ہے، اللہ بے نیاز ہے، وہ کسی کا محتاج نہیں اور سب اُس کے محتاج ہیں، نہ اُس کے اَولاد ہے نہ وہ کسی کی اَولاد ہے اور نہ کوئی اُس کے برابر ہے۔ ''