ماہنامہ انوار مدینہ لاہور مارچ 2014 |
اكستان |
 |
قسط : ٣ ، آخری بسم اللہ کی اہمیت ( حکیم الاسلام حضرت مولانا قاری محمد طیب صاحب ،سابق مہتمم دارُالعلوم دیوبند ) بسم اللہ الرحمن الرحیم کے چند اہم وظائف مشکل کام کو آسان کرنے کے لیے : حضرت علی رضی اللہ عنہ فرماتے ہیں کہ مشکل کام آسان کرنے کی دُعا بسم اللہ الرحمن الرحیم ہے اور فرماتے ہیں کہ بسم اللہ ہر رنج کو دُور کرتی ہے اور دِل کو خوش کرتی ہے۔ (فضائلِ بسم اللہ ص ١٢) اپنے مقصد میں کامیابی کے لیے : جو شخص ٧٨٦ مرتبہ بسم اللہ الرحمن الرحیم سات دِن تک روزانہ پڑھے گا اور پھر اپنے مقصد کے لیے دُعا کرے گا تواللہ تعالیٰ ضرور اُس کا مقصد پورافرمائیں گے۔ (قرآنی علاج ص ٢٣) ہر آفت و مصیبت سے حفاظت : جو شخص محرم کی پہلی تاریخ کو ٣١١ مرتبہ بسم اللہ لکھ کر اپنے پاس رکھے تو وہ شخص ہر بَلا اور ہرمصیبت سے محفوظ رہے گا۔ (قرآنی علاج ص ٢٤) بسم اللہ لکھنے کا فائدہ : ایک بزرگ فرماتے ہیں کہ جو شخص ٦٥ مرتبہ بسم اللہ الرحمن الرحیم لکھ کر اپنے پاس رکھے گا تو اللہ تعالیٰ اُسے عزت دیں گے اور کوئی آدمی (اللہ کے حکم سے) اُسے نہیں ستائے گا۔ ( موضح القرآن ) جو شخص بسم اللہ الرحمن الرحیم چھ سو مرتبہ لکھ کر اپنے پاس رکھے گا تو لوگوں کے دِلوں میں اُس کی عزت ہوگی اور کوئی اُس کے ساتھ بُرا برتاؤ نہیں کرے گا۔