٤ ولو سافر معہا الزوج تجب النفقة بالاتفاق لأن الاحتباس قائم لقیامہ علیہا وتجب نفقة الحضر دون السفر ولا تجب الکراء لما قلنا. (٢١٦٢) وان مرضت ف منزل الزوج فلہا النفقة )
١ والقیاس أن لانفقة لہا ذا کان مریضا یمنع من الجماع لفوت الاحتباس للاستمتاع ٢ وجہ الاستحسان أن الاحتباس قائم فانہ یستأنس بہا ویمسہا وتحفظ البیت والمانع بعارض فاشبہ الحیض
ترجمہ: ٤ اور اگر عورت نے شوہر کے ساتھ سفر کیا تو بالاتفاق نفقہ واجب ہو گا اس لئے کہ احتباس قائم ہے کیونکہ شوہر عورت کے ساتھ قائم ہے ، اور حضر کا نفقہ واجب ہو گا سفر کا نفقہ واجب نہیں ہو گا ، اور کرایہ بھی واجب نہیں ہو گا ، اس دلیل کی وجہ سے جو ہم نے کہا۔
تشریح: اگر عورت نے شوہر کے ساتھ سفر کیا تو اس کو ن بالاتفاق نفقہ ملے گا ،کیونکہ شوہر ہر وقت عورت کے ساتھ ہے اس لئے احتباس موجود ہے ، البتہ حضر کا نفقہ لازم ہو گا سفر کا نفقہ لازم نہیں ہو گا ، کیونکہ شرعی اعتبار سے حضر ہی کا نفقہ اس پر واجب ہے ، البتہ وہ خود سفر کا نفقہ ادا کر دے تو اس کی مرضی ہے ، اسی طرح شوہر پر سفر کاکرایہ واجب نہیں ہے ۔
ترجمہ: (٢١٦٢) اگر عورت شوہر کے گھر میں بیمار ہو جائے تو اس لئے نفقہ ہے ۔
ترجمہ: ١ اور قیاس کا تقاضا یہ ہے کہ اس کے لئے نفقہ نہ ہو جب کہ ایسی بیمار ہو جو جماع سے مانع ہو کیونکہ جماع کے لئے احتباس فوت ہو گیا ۔
تشریح: عورت شوہر کے گھر پر رہتے ہوئے ایسی بیمار ہو گئی کہ اس سے جماع نہیں کر سکتا تب بھی اس کو نفقہ ملے گا ، اور قیاس کا تقاضا یہ ہے کہ جب جماع نہیں کر سکتا تو جماع کا احتباس فوت ہو گیا اس لئے نفقہ نہیں ملنا چاہئے ۔ لیکن استحسان کا تقاضا یہ ہے کہ نفقہ ملے ۔
ترجمہ: ٢ استحسان کی وجہ یہ ہے کہ احتباس قائم ہے ، اس لئے کہ شوہر عورت سے انسیت حاصل کرے گا ، اور اس کو چھوئے گا اور عورت گھر کی حفاظت کرتی ہے ، اور جماع سے مانع عارض کی وجہ سے ہے ، اس لئے حیض کے مشابہ ہو گیا ۔
تشریح: استحسان کی وجہ یہ ہیں کہ (١) عورت شوہر کے گھر پر محبوس ہے اس لئے شوہر اس سے موانست کرتا ہے ، اور اس کو چھوتا ہے اور جماع کے علاوہ ہر جگہ سے استمتاع کرتا ہے ۔(٢) عورت شوہر کے گھر کی حفاظت کرتی ہے جو احتباس کا ایک بڑا جز وہے اس لئے نفقہ بند نہیں ہو نا چاہئے ۔ (٣) مرض عارضی چیز ہے جس میں عورت کو دخل نہیں ہے اس لئے جس طرح حیض من جانب اللہ ہو تا ہے اور عارضی ہے تو اس سے نفقہ بند نہیں ہو تا اسی طرح بیماری بھی عارضی ہے اور من جانب اللہ ہے اس لئے اس سے بھی نفقہ بند نہیں ہو نا
