(٢١٤٠) ثم الخالات أولی من العمات ) ١ ترجیحاً لقرابة الأم وینزلن کما نزلنا الأخوات معناہ ترجیح ذات قرابتین ثم قرابة الأم (٢١٤١) ثم العمات ینزلن کذلک)(٢١٤٢) وکّل من تزوجت من ہؤلآء یسقط حقُّہا) ١ لما روینا
ترجمہ: (٢١٤٠) پھر خالائیں زیادہ بہتر ہیں پھوپیوں سے ۔
ترجمہ: ١ ماں کی قرابت کو ترجیح دینے کے لئے ، اور ایسے ہی ترتیب ہو گی جیسے کہ بہنوں میں ، اس کا معنی یہ ہے کہ دونوں قرابتوں کو ترجیح دینے کے لئے ، پھر ماں کی قرابت قابل ترجیح ہے۔
تشریح : اگر پرورش میں لینے والی خالہ اور پھوپی ہو تو خالہ کو دیا جائے گا۔اور ان میں بھی وہی ترتیب ہوگی ، جو بہنوں میں ہوئی ، یعنی ۔ پہلے اپنی خالہ ، پھر ماں شریک خالہ ، پھر صرف باپ شریک خالہ کا حق ہے ، یہی حال پھوپھی کا ہے کہ ، پہلے اپنی پھوپھی ، پھر ماں شریک پھوپھی ، پھر باپ شریک پھوپھی کا حق ہو گا ۔ یہی ترجمہ ہے ٫ ینزلن کما نزلنا اخوات ، کا ، کہ جیسے بہنوں میں اتارا اسی طرح خالہ اور پھوپیوں میں بھی اتارا جائے گا ، یہی وہی ترتیب رکھی جائے گی ۔
وجہ: (١) اوپر حدیث گزر چکی ہے کہ ۔قال الخالة بمنزلة الام۔ (بخاری شریف ، نمبر ٢٦٩٩)اس لئے خالہ پھوپی سے زیادہ حقدار ہوگی (٢) یوں بھی خالہ میں پھوپی کے مقابلے میں زیادہ محبت ہوتی ہے۔اس لئے وہ زیادہ حقدار ہوگی۔
ترجمہ: ( ٢١٤١) پھر پھوپیوں کی ترتیب بھی ایسی ہی ہوگی ۔
تشریح: یعنی پہلے اپنی پھوپی ، پھر صرف ماں شریک پھوپی ، پھر صرف باپ شریک پھوپی کو پرورش کا حق ہو گا ۔
ترجمہ: (٢١٤٢)جس نے شادی کی ان میں سے اس کا حق ساقط ہو جائے گا پرورش میں۔
ترجمہ: ١ اس حدیث کی بنا پر جو ہم نے روایت کی ۔
تشریح: اوپر کی عورتوں میں سے کسی نے بچے کے اجنبی آدمی سے شادی کرلی تو اس کا حق پرورش ساقط ہو جائے گا۔لیکن اگر بچے کے ذی رحم محرم سے شادی کی تو حق پرورش ساقط نہیں ہوگا۔مثلا نانی نے بچے کے دادا سے شادی کر لی تو پرورش کا حق ساقط نہیں ہوگا۔
وجہ: (١)اجنبی سے شادی کرنے کے بعد اس لئے پرورش کا حق ساقط ہو جائے گا کیوںکہ اس کو بچے سے محبت نہیں ہوگی تو وہ بچے کو تکلیف دے گا۔اور عورت شوہر کے تحت میں ہوتی ہے اس لئے اس کو روک بھی نہیں سکے گی۔اس لئے اجنبی سے شادی کرنے کے بعد مذکورہ عورت کا حق ساقط ہو جائے گا(٢) حدیث میں موجود ہے۔فقال لھا رسول اللہ ۖ انت احق بہ مالم تنکحی۔ (ابو داؤد شریف ، باب من احق بالولد، ص ٣١٧ ، نمبر ٢٢٧٦) اس حدیث میں ہے کہ جب تک نکاح نہ کرو تم کو پرورش کا حق ہے۔ اس لئے نکاح کے بعد پرورش کا حق ساقط ہو جائے گا (٣)حضرت عمر کی بیوی ام عاصم نے اجنبی سے شادی کر لی تھی اس
