١ لانہ فی الوجہ الاول ولد المعتدة فان العلوق سابق علیٰ الشراء ٢ وفی الوجہ الثانی ولدالمملوکة لانہ یضاف الحادث الی اقرب وقتہ فلا بدمن دعوة ٣ وہذااذاکان الطلاق واحداً بائناً اوخلعاً اورجعیاًامااذا کان اثنتین یثبت النسب الی سنتین من وقت الطلاق لانہا حرمت علیہ حرمة غلیظة فلایضاف العلوق الاالی ماقبلہ لانہا لا تحل بالشراء
دعوی کئے ہوئے بھی بچے کا نسب خالد سے ثابت ہو جائے گا ۔ اور اگر خریدنے سے چھ مہینے کے بعد بچہ دیا تو یہ سمجھا جائے گا کہ خریدنے کے بعد وطی کرنے سے حمل ٹھہرا ہے اس لئے خالد کے آقا ہونے کی حالت میں بچہ ہوا ہے اس لئے خالد اپنا بچہ ہونے کا دعوی کرے گا اس سے نسب ثابت ہو گا ، اور دعوی نہیں کرے گا تو نسب ثابت نہیں ہو گا ، کیونکہ آقا سے پہلی مرتبہ نسب ثابت کرنے کے لئے اس کا دعوی ضروری ہے ، اور شوہر ہونے کی حالت میں حمل ٹھہرا ہے یہ اس لئے نہیںکہہ سکتے کیونکہ حمل قریب کے زمانے کی طرف زیادہ تر پھیرا جاتا ہے ۔
ترجمہ: ١ اس لئے کہ پہلی صورت میں یہ عدت گزارنے والے کا بچہ ہے ، اس لئے کہ حمل ٹھہرنا خریدنے سے بھی پہلے ہے ۔
تشریح: پہلی صورت سے مراد ہے کہ خریدنے سے چھ مہینے کے اندر اندر بچہ دیا تو یہ عدت گزارنے والی باندی کا بچہ ہے ، اس لئے کہ خریدے ہوئے کو ابھی چھ مہینے بھی نہیں ہوئے ہیںاس لئے خریدنے کے بعد کا بچہ نہیں ہو سکتا ہے بلکہ خریدنے سے پہلے جو عدت گازر رہی تھی اس حال کا بچہ ہے ۔اور مثال مذکور میں خالد کی عدت گزار رہی تھی اس لئے بغیر دعوی کئے ہوئے بھی خالد کا بچہ ہو جائے گا ۔
ترجمہ: ٢ اور دوسری صورت میں باندی کا بچہ ہے اس لئے کہ جو بچہ پیدا ہوا ہے وہ قریب زمانے کی طرف پھیرا جائے گا ، اس لئے دعوی ضروری ہے ۔
تشریح: دوسری صورت سے مراد ہے کہ خریدنے سے چھ مہینے کے بعد بچہ دیا ہے ، تو شریعت میں قریب زمانے کی طرف پھیرا جاتا ہے ، اس لئے یہ سمجھا جائے گا کہ خریدنے کے بعد جب خالد کی باندی ہو گئی تھی اس وقت کی وطی سے بچہ پیدا ہوا ہے ، اور آقا کی وطی سے پہلی مرتبہ بچہ پیدا ہوا ہو تو اس کا دعوی کرنا ضروری ہے تب بچے کا نسب آقا سے ثابت ہو گا ۔
ترجمہ: ٣ یہ تفصیل اس وقت ہے جبکہ ایک طلاق بائنہ ، ہوئی ہو ، یا خلع ہوا ہو ، یا ایک طلاق رجعی ہوئی ہو ، بہر حال اگر دو طلاق ہوئی ہو تو طلاق کے وقت سے دو سال تک نسب ثابت ہو گا ، اس لئے کہ آقا پر حرمت غلیظہ ثابت ہوچکی ہے اس لئے خریدنے سے پہلے ہی کی طرف منسوب کیا جائے گا ، اس لئے کہ خریدنے سے باندی حلال نہیں ہو گی ۔
تشریح: اگر خالد نے باندی بیوی کو ایک طلاق بائنہ دی ہو ، یا خلع ہوا ہو ، یا ایک طلاق رجعی دی ہو تب تو خریدنے کے بعد اس