١ وثبت نسبہ لوجود العلوق فی النکاح اوفی العدة ٢ ولایصیرمراجعاً لانہ یحتمل العلوق قبل الطلاق ویحتمل بعدہ فلایصیر مراجعاً بالشک (٢١١٠) وان جاء ت بہ لاکثر من سنتین کانت رجعة) ١ لان العلوق بعدالطلاق والظاہر انہ منہ لانتفاء الزنا ء منہا فیصیر بالوطی مراجعاً (٢٠١١) والمبتوتة یثبت نسب ولدہا اذاجاء ت بہ لاقل من سنتین)
ترجمہ: ١ نسب ثابت ہو گا نکاح میں علوق پائے جانے کی وجہ سے ، یا عدت میں علوق پائے جانے کی وجہ سے ۔
تشریح: بچے کا نسب اس لئے ثابت ہو گا کہ یا تو طلاق سے پہلے نکاح کی حالت میں علوق ہوا ہے، اس لئے اس سے بھی نسب ثابت ہو گا ، یا پھر طلاق رجعی کے بعد عدت کے زمانے میں وطی کیا اس سے بچہ پیدا ہوا اس لئے اس سے بھی نسب ثابت ہو گا ، کیونکہ طلاق رجعی میں عدت کے زمانے میں وطی تو کر سکتا ہے ۔
ترجمہ: ٢ شوہر رجعت کرنے والا نہیں ہو گا ، اس لئے کہ احتمال رکھتا ہے کہ طلاق سے پہلے علوق ہوا ہو ، اور احتمال رکھتا ہے کہ طلاق کے بعد علوق ہوا ہو اس لئے شک کی وجہ سے رجعت کرنے والا نہیں ہو گا ۔
تشریح: ر جعت اس لئے ثابت نہیں ہوگی کہ اس بات کا احتمال ہے کہ طلاق سے پہلے علوق ہوا ہو اور اس بات کا بھی احتمال ہے کہ طلاق کے بعد وطی سے علوق ہوا ہو ، اس لئے اس میں شک ہو گیا ، اس لئے شک سے رجعت ثابت نہیں ہو گی ، اور یہی کہا جائے گا کہ طلاق سے پہلے نکاح کی حالت ہی میں وطی کی ہے اور اس سے علوق ہوا ہے ۔
ترجمہ: (٢١١٠) اور اگر جنا دو سال سے زیادہ میں تو رجعت ہوگی۔
ترجمہ: ١ اس لئے کہ علوق طلاق کے بعد ہے ، اور ظاہر یہ ہے کہ یہ علوق شوہر ہی سے ہے ، عورت کی طرف سے زنا منتفی ہے ، اس لئے وطی کرنے سے رجعت کرنے والا ہو گا ۔
تشریح : مطلقہ رجعیہ نے دو سال کے بعد بچہ جنا تو شوہر سے نسب ثابت ہوگا لیکن بچہ ہونا رجعت شمار ہوگی۔
وجہ: دو سال سے زیادہ میں بچہ جنا تو اس کا مطلب یہ ہوا کہ طلاق کے وقت عورت حاملہ نہیں تھی ، کیونکہ طلاق کے وقت حاملہ ہوتی تو دو سال کے اندر بچہ جن دیتی۔اس لئے ماننا پڑے گا کہ طلاق کے بعد شوہر نے عورت سے وطی کی ہے ۔اور مطلقہ رجعیہ سے عدت میں وطی کرے تو رجعت ہو جائے گی اس لئے عورت سے رجعت بھی ہوگئی۔اور چونکہ شوہر کی وطی سے بچہ پیدا ہوا ہے اس لئے شوہر سے نسب ثابت ہوگا۔ اور یہ نہیں کہا جا سکتا ہے کہ عورت نے زنا کرایا ہے ، کیونکہ ایک مسلمان عورت سے یہ نہیں ہو سکتا ، اس لئے عدت کے اندر ہی شوہر سے وطی مانی جائے گی ۔
ترجمہ:(٢١١١) بائنہ طلاق والی کے بچے کا نسب ثابت ہوگا جبکہ بچہ جنے دو سال سے کم میں۔
