٤ ولانہ یجب اظہار اللتاسف علی فوت نعمة النکاح الذی ہوسبب لصونہاوکفایة مؤنہا والابانة اقطع لہا من الموت حتی کان لہاان تغسلہ میتا قبل الابانة لابعدہا (٢٠٩٢) والحداد (ویقال الاحدادہمالغتان) ان تترک الطیب والزینة والکحل والدہن المطیب وغیرالمطیب الامن عذر وفی الجامع الصغیر الامن وجع)
و لا تمسی الحناء فانہ طیب ۔ ( طبرانی کبیر ، باب خولة عن ام سلمة ، ج]٢٣[ ثالث وعشرون ، ص ٤١٨، نمبر ١٠١٢ ) اس حدیث میں ہے کہ مہندی خوشبو ہے ۔(٢) دوسری حدیث میں ہے کہ مہندی خضاب ہے ۔حدثنی ام حکیم بنت اسید عن امھا ان زوجھا توفی و کانت تشتکی عینھا فتکتحل الجلاء ...و لا تمتشی بالطیب و لا بالحناء فانہ خضاب ۔ (نسائی شریف ، باب الرخصة للحادة ان تمتشط بالسدر، ص ٤٩٨، نمبر ٣٥٦٧ ابوداود شریف ، باب فیما تجتنب المعتدة فی عدتھا ، ص ٣٣٦، نمبر٢٣٠٥ ) لیکن اس حدیث سے استدلال کرنا مشکل ہے کیونکہ یہ ساری حدیثیں متوفی عنھا زوجھا کے بارے میں ہے ، مطلق معتدہ کے بارے میں نہیں ہیں کہ اس سے متعدہ مبتوتہ مراد لے لیا جائے ۔
ترجمہ: ٤ اور اس لئے کہ نکاح کی نعمت کے فوت ہونے پر افسوس کے اظہار کرنے کے لئے سوگ واجب ہوا ہے ، کیونکہ نکاح گناہ سے بچنے کا سبب ہے ، اور ضروریات کے کفایت کا سبب ہے ، اور بائنہ ہونا عورت کے حق میں شوہر کے مرنے سے زیادہ گھبراہٹ کی چیز ہے چنانچہ بائنہ سے پہلے وہ اپنے مردہ شوہر کو غسل دے سکتی ہے اور طلاق بائنہ کے بعد نہیں دے سکتی ۔
تشریح: یہ دلیل عقلی ہے ۔کہ نکاح جیسی عظیم نعمت کے فوت ہونے پر افسوس کے لئے سوگ منانا ہو تا ہے ، کیونکہ نکاح سے عورت گناہ سے بچتی ہے اور ضروریات زندگی کا خرچ بھی شوہر سے وصول کرتی ہے، اور طلاق بائنہ میں شوہر سے انقطاع زیادہ ہوتا ہے ،کیونکہ شوہر مر جائے تو چار ماہ دس روز تک زوجیت کا اثر بر قرار رہتا ہے ، یہی وجہ ہے کہ عورت مردہ شوہر کو غسل دے سکتی ہے ، جبکہ با ئنہ عورت کا شوہر مر جائے تو غسل نہیں دے سکتی ، پس طلاق بائنہ میں شوہر سے زیادہ انقطاع ہوا تو اس میں زیادہ ہی سوگ منانا چاہئے ۔
لغت : صون : گناہ سے بچنا ۔مؤنة : ضروریات زندگی کا خرچ۔الابانة : طلاق بائنہ ۔
ترجمہ: (٢٠٩٢) اور سوگ منانا یہ ہے کہ چھوڑ دے خوشبو ، زینت ، سرمہ ، اور تیل] خوشبو دار ہو یا بغیر خوشبو کا ہو[ مگر عذر سے، اور جامع صغیر میں ہے کہ مگر درد سے ۔
تشریح: جتنی چیزیں زینت کی ہیں اس کو چھوڑ دے۔مثلا خوشبو، سرمہ اور تیل وغیرہ۔البتہ مرض اور بیماری کی وجہ سے کوئی مجبوری ہو جائے تو استعمال کر سکتی ہے۔
