(٨١٤١) ولو کانت قائمة فجلست فہی علیٰ خیارہا) ١ لانہ دلیل الاقبال فان القعود اجمع للرای (١٨٤٢) وکذا اذا کانت قاعدة فاتکأت اومتکئةً فقعدت ) ١ لان ہٰذا انتقال من جلسة الیٰ جلسة فلا یکون اعراضا کما اذا کانت محتبئةً فتربعت ٢ قال عنہ وہذا رواےة الجامع الصغیر وذکر فی غیرہ انہا اذا کانت قاعدة فاتکأت لا خیارلہا لان الاتکاء اظہار التہاون بالامر فکان اعراضا والاول ہو الاصح
اس سے اختیار ختم نہیں ہو گا ۔
ترجمہ: (١٨٤١) اگر کھڑی ہواور بیٹھ گئی تو اس کا اختیار باقی رہے گا ۔
ترجمہ: ١ اس لئے کہ بیٹھنا متوجہ ہو نے کی دلیل ہے اس لئے کہ بیٹھنے سے رائے زیادہ جمع ہوتی ہے ۔
تشریح: اگر عورت کھڑی تھی اور اختیار ملنے کے بعد بیٹھ گئی تو اختیار باقی رہے گا ، اس کی وجہ یہ ہے کہ افسوس سے بیٹھنا اعراض کی دلیل نہیں ہے بلکہ اس کی طرف زیادہ متوجہ ہو نے کی دلیل ہے ، اور بیٹھنے سے رائے زیادہ اچھی ہو تی ہے اس لئے اختیار باقی رہے گا ۔
ترجمہ: (١٨٤٢) اور ایسے ہی جب بیٹھی تھی پھر تکیہ لگا لیا یا تکیہ لگائے ہوئے بیٹھی تھی پھر بیٹھ گئی ۔
ترجمہ: ١ اس لئے کہ یہ ایک طرح بیٹھنے سے دوسری طرح بیٹھنے کی طرف منتقل ہو نا ہے ، اس لئے یہ ا عراض کرنا نہیں ہے ، جیسا کہ جب گھٹنے کھڑے کئے بیٹھی تھی پھر چار زانوبیٹھ گئی ۔
تشریح: یہ مسئلہ اس اصول پر ہے کہ اعراض کرنا نہ ہو تو اختیار باقی رہے گا ۔اگر بیٹھی ہوئی تھی اور اختیار ملنے کے بعد ٹیک لگا لیا تو اس سے اختیار باطل نہیں ہو گا ، کیونکہ دو نوں حالت میں بیٹھنا ہی ہوا ، صرف ایک قسم کے بیٹھنے سے دوسرے قسم کے بیٹھنے کی طرف منتقل ہو ناہوا اس لئے یہ اعراض کر نا نہیں ہے ۔، جیسے یہ گھٹنے کھڑے کئے بیٹھی تھی پھر چار زانوبیٹھ گئی تو اس سے اختیار باطل نہیں ہو گا ، کیونکہ ایک بیٹھنے سے دوسرے بیٹھنے کی طرف منتقل ہو نا ہوا ۔
ترجمہ: ٢ مصنف نے فر مایا کہ یہ جامع صغیر کی روایت ہے اور اس کے علاوہ میں ذکر کیا گیا ہے کہ اگر عورت بیٹھی ہوئی ہواور ٹیک لگا لیا تو اس کو اختیار نہیں ہو گا ، اس لئے کہ ٹیک لگانا معاملے میں سستی کا اظہار ہے تو اعراض ہوا، لیکن پہلا صحیح ہے ۔
تشریح: جامع صغیر کے علاوہ میں ذکر کیا گیا ہے کہ اگر بیٹھی ہوئی تھی اور اختیار ملنے کے بعد ٹیک لگا لیا تو اختیار ختم ہو جائے گا ، اس کی وجہ یہ ہے کہ ٹیک لگانا سستی کی دلیل ہے اس لئے یہ اعراض کر نا ہوا اس لئے اختیار ختم ہو جائے گا ، لیکن پہلی روایت صحیح ہے ، کیونکہ یہ ایک بیٹھنے سے دوسرے بیٹھنے کی طرف منتقل ہو نا ہے ۔
لغت: متکئة: تکیہ لگا نا ، ٹیک لگانا ۔ محتبیة : حبو سے مشتق ہے ، گھٹنا کھڑا کر کے بیٹھنا ۔ تربعت :ربع سے مشتق ہے چار زانو
