٥ بخلاف ما اذا مکثت یوما لم تقم ولم تاخذ فی عمل اٰخر لان المجلس قد یطول وقد یقصر فیبقی الیٰ ان یوجد ما یقطعہ او یدل علی الاعراض ٦ وقولہ مکثت یوما لیس للتقدیر بہ ٧ وقولہ مالم تأخذ فی عمل اٰخر یراد بہ عمل یعرف انہ قطع لما کانت فیہ لا مطلق العمل
بات کرنے سے مجلس بدل جائے گی اور اختیار ختم ہو جائے گا ، جس سے معلوم ہوا کہ اعراض کرنے سے اختیار ختم ہو جائے گا۔ (٣) ایک جگہ سے دوسری جگہ منتقل ہو نے سے مجلس بدلے گی اس کی دلیل یہ اثر ہے۔عن مجاھد فی قول ابن مسعود قال اذا ملکھا امرھا فتفرقا قبل ان تقضی شیئا فلا امر لھا (مصنف عبد الرزاق ، باب الخیار والتملیک ماکانا فی مجلسھما ،ج سادس ،ص٣٩٨ ، نمبر١١٩٧٣) اس اثر میں ہے کہ تفریق ہو تو اختیار ختم ہو گا ۔(٤) کھڑی ہو تب مجلس ختم ہو گی اس کے لئے یہ اثر ہے ۔ عن جابر بن عبد اللہ قال ان خیر رجل امراتہ فلم تقل شیئا حتی تقوم فلیس بشیئ۔(مصنف عبد الرزاق ، باب الخیار والتملیک ماکانا فی مجلسھما ،ج سادس ،ص٣٩٨ ، نمبر١١٩٧٩ مصنف ابن ابی شیبة ،٥٨ ماقالوا فی الرجل یخیر امرأتہ فلا تختار حتی تقوم من مجلسھا ،ج رابع ،ص ٩٢، نمبر ١٨١٠٤)اس اثر میں ہے کہ کھڑی ہوگی تو مجلس ختم ہو گی ۔
ترجمہ: ٥ بخلاف جبکہ ایک دن سے زیادہ ٹھہری رہی نہ کھڑی ہوئی اور نہ دوسرے کام میں لگی ]تو اختیار ختم نہیں ہو گا[ اس لئے کہ مجلس کبھی لمبی ہو سکتی ہے اور کبھی مختصر ہو سکتی ہے اس لئے اختیار اس وقت تک باقی رہے جب تک ایسی حرکت نہ پائی جائے جو اس کی مجلس کو منقطع کر دے ، یا اعراض پر دلالت کرے ۔
تشریح: اعتبار عورت کی مجلس کا ہے اسلئے دن پر ہی خاص نہیں ہے بلکہ ایک دن سے زیادہ بھی بیٹھی رہی اور کوئی ایسی حرکت نہیں پائی گئی جو اختیار سے اعراض پر دلیل ہو تو اس کا اختیار باقی رہے گا ، کیونکہ مجلس کبھی لمبی ہو تی ہے اور کبھی مختصر ہو تی ہے ، اس لئے ایک دن سے لمبی بھی ہوئی تو اختیار ختم نہیں ہو گا ۔
ترجمہ: ٦ ماتن کا قول مکثت یوما ،سے تحدید مراد نہیں ہے ۔
تشریح: اوپر مسئلہ نمبر١٨٣٩) میں مکثت یوما، تھا اس کے بارے میں فر ما رہے ہیں کہ ایک دن کی تحدید نہیں ہے دو دن بھی مجلس میں بیٹھی رہی تو اس کا اختیار ختم نہیں ہو گا ۔
ترجمہ: ٧ ماتن کا قول ٫ مالم تأخذفی عمل آخر،سے مراد ہے عورت کا کوئی ایسا عمل جس سے پہچانا جاتا ہو کہ وہ مجلس کو قاطع ہے ، مطلق عمل مراد نہیں ہے ۔
تشریح: مسئلہ نمبر ١٨٣٩) میں ہے جب تک دوسرے کام میں عورت نہ پڑ جائے ، اس کا مطلب یہ ہے کہ ایسا عمل جس سے پتہ چلتا ہو کہ وہ اختیار سے اعراض کر رہی ہو اس عمل سے اختیار ختم ہو گا ، لیکن جس عمل سے پتہ چلتا ہو کہ اختیار سے اعراض نہیں کر رہی ہے
