١ لان الفائت جنس المنفعة وہی البصر اوالبطش اوالمشی وہوالمانع ٢ اما اذا اختلت المنفعة فہو غیرمانع حتی یجوز العوراء ومقطوعة احدی الیدین واحدی الرجلین من خلاف لانہ مافات جنس المنفعة بل اختلت بخلاف مااذا کانتا مقطوعتین من جانب واحد حیث لایجوز لفوات جنس منفعة المشی اذہو علیہ متعذر
ہوگا۔ہاں ایک آنکھ موجود ہو یا ایک ہاتھ کٹا ہوا ہو ، یا ایک پاؤں کٹا ہوا ہو تو آزاد کر نا جائز ہے ۔
وجہ: (١)ان اعضاء کے معذور ہونے سے غلام کی منفعت ختم ہوئی اور مکمل غلام باقی نہیں رہا۔ اور آیت میں تحریر رقبة سے مکمل غلام مراد ہے۔اس لئے انتہائی معذور غلام کو آزاد کرنا کافی نہیں ہے (٢)جس طرح قربانی میں انتہائی معذور جانور ذبح کرنا کافی نہیں اسی طرح کفارے میں انتہائی معذور غلام آزاد کرنا کافی نہیں ہے۔البتہ تھوڑا بہت عیب ہو تو چل جائے گا۔جس طرح قربانی کے جانور میں تھوڑا بہت عیب ہوتا ہے تو چل جاتا ہے۔ حدیث یہ ہے ۔ سألت البراء بن عازب مالایجوز فی الاضاحی فقال قام فینا رسول اللہ ... فقال اربع لاتجوز فی الاضاحی العوراء بین عورھا والمریضة بین مرضھا والعرجاء بین ظلعھا والکسیر التی لا تنقی ۔ (ابو داؤد شریف ، باب ما یکرہ من الضحایا ،ص ٣١ ،نمبر ٢٨٠٢ ترمذی شریف ، باب مالایجوز من الاضاحی ،ص ٢٧٥ ،نمبر ١٤٩٧) اس حدیث میں ہے کہ عیب دار جانور عبادت میں کافی نہیں۔اسی پر غلام کو قیاس کیا جائے گا۔
اصول: ناقص غلام کفارے میں کافی نہیں۔
لغت: العمیاء : عمی کی جمع ہے ،اندھا۔
ترجمہ: ١ اس لئے کہ منفعت کی جنس فوت کرنے والا ہے اور وہ نگاہ ہے ، اور پکڑنا ہے ، اور چلنا ہے اور وہی کفارہ سے مانع ہے۔
تشریح: قاعدہ یہ ہے کہ غلامیت کا منفعت مکمل ختم ہو جائے تو اس غلام کو آزاد کرنے سے رقبہ کا مفہوم پورے طور پر ادا نہیں ہوا ، اس لئے نا بینا ہونے کی وجہ سے دیکھنے کی منفعت مکمل ختم ہو تا دونوں ہاتھ کٹے ہونے کی وجہ سے پکڑنے کی منفعت مکمل طور پر ختم ہو جائے ، یا دونوں پاؤں کٹے ہونے کی وجہ سے چلنے کی منفعت مکمل طور پر ختم ہو جائے تو اس کے آزاد کرنے سے کفارہ ادا نہیں ہو گا ، کیونکہ منفعت کا ختم ہو نا ادا کے لئے مانع ہے ۔
ترجمہ: ٢ بہر حال اگر منفعت میں خلل انداز ہو جائے تو وہ کفارہ میں مانع نہیں ہے یہی وجہ ہے کہ کانا جائز ہے ، اور دو نوں ہاتھوں میں سے ایک کٹا ہوا جائز ہے ، اور دونوں پاؤں میں سے ایک خلاف سے کٹا ہوا جائز ہے اس لئے کہ منفعت کی جنس فوت نہیں ہوئی بلکہ خلل انداز ہو گئی ، بخلاف جبکہ ایک ہی جانب سے دونوں کٹے ہوئے ہوں اس طرح کہ جائز نہیں ہے چلنے کی منفعت کی جنس
