٣ ونحن نقول المنصوص علیہ اعتاق الرقبةوقد تحقق ٤ وقصدہ من الاعتاق التمکن من الطاعة ثم مقارنةالمعصیةیحال بہ الیٰ سوء اختیار ہ(١٩٩٩) ولاتجزی العمیاء ولاالمقطوعة الیدین اوالرجلین)
کر نا کافی نہیں ہے ۔
وجہ: (١) انکی ایک دلیل یہ ہے جو صاحب ہدایہ نے بیان کیا ہے کہ کفارہ ادا کر نا اللہ تعالی کا حق ہے اس لئے اس اللہ کے دوستوں کو آزاد کرو ، اس کے دشمن میں صرف کرنا اچھا نہیں ، جیسے زکوة ادا کر نا اللہ کا حق ہے اس لئے اس کو کافروں کو دینا جائز نہیں ۔(٢) وہ فرماتے ہیں کہ کفارۂ قتل میں مومن غلام شرط ہے آیت یہ ہے ۔فتحریر رقبة مومنة ۔(آیت ٩٢، سورة النساء ٥)جس سے معلوم ہوا کہ کفارے میں مومن ہی کافی ہوںگے۔اس لئے اس پر قیاس کرتے ہوئے کفارۂ ظہار میں بھی مومن ہونا ضروری ہے (٣) عن عمر بن الحکم انہ قال أتیت رسول اللہ ۖ فقلت یا رسول اللہ ان جاریة لی کانت ترعی غنما لی فجئتھا و قد فقدت شاة من الغنم فسألتھا عنھا فقالت أکلھا الذئب فأسفت علیھا و کنت من بنی آدم فلطمت وجھھا و علی رقبة أفأعتقھا فقال لھا رسول اللہ ۖ أین اللہ فقالت فی السماء فقال من أنا قالت انت رسول اللہ فقال فأعتقھا ۔ (سنن للبیہقی ، باب عتق المومنة فی الظہار ،ج سابع، ص ٦٣٦، نمبر ١٥٢٦٦) اس حدیث میں مؤمنہ باندی کو آزاد کرنے کی ترغیب دی ہے اس لئے مؤمنہ ہی بہتر ہے (٤) کفارہ میں غلام اس لئے آزاد کرتے ہیں تا کہ وہ اللہ کی عبادت کرے۔اور کافر عبادت کے اہل نہیں اس لئے اس کو آزاد کرنا درست نہیں ۔
ترجمہ: ٣ ہم کہتے ہیں آیت میں مطلق رقبہ کا آزاد کر نا ہے اور وہ ہو گیا ۔
تشریح : ہم یہ کہتے ہیں کہ ظہار کی آیت میں مطلق غلام آزاد کر نے کا حکم ہے اور کافر غلام کو آزاد کرنے سے بھی یہ حکم ا دا ہو جاتا ہے اس لئے کافر کو بھی آزاد کرنا کافی ہو گا ۔
ترجمہ: ٤ اور آزاد کر نے کا مقصد طاعت پر قدرت ہے ، پھر معصیت سے ملا رہنا اس کافر غلام کے بد راہ اختیار کرنے پر محمول کیا جائے گا ۔
تشریح:یہ امام شافعی کو جواب ہے ،کہ آزاد کر نے کا مقصد یہ ہے کہ غلام آزاد ہو کر اللہ کی عبادت پر پورے طور پر قدرت رکھے ، اب آزاد ہو نے کے باوجود کافر رہے تو یہ اس کی بے راہ روی پر محمول کیا جائے گا ، جس سے کفارہ ادا ہو نے میں کوئی فرق نہیں پڑے گا۔
ترجمہ: (١٩٩٩) اور نہیں کافی ہوگا اندھا اور نہ دونوں ہاتھ پاؤں کٹاہوا۔
تشریح : کفارے میں نابینا غلام باندی یا دونوں ہاتھ کٹے ہوئے ہوں یا دونوں پاؤں کٹے ہوئے ہوں ایسا غلام آزاد کرنا کافی نہیں
