٤ وقال زفرترث لان المعلّق بالشرط ینزل عند وجود الشرط کالمنجزِ فکان ایقاعاً فی المرض
٥ ولنا ان التعلیق السابق یصیر تطلیقاً عند الشرط حکماً لا قصداولا ظلم الا عن قصدٍ فلا یرد تصرفہ ٦ فاما الوجہ الثالث وھو ما اذا علقہ بفعل نفسہ فسواء کان التعلیق فی الصحة والشرط فی المرض او کانا فی المرض والفعل ممالہ منہ بُدّ او لا بُدّلہ منہ فیصیر فارّالوجود قصد الابطال اما بالتعلیق او بمباشرة الشرط فی المرض
ترجمہ: ٤ امام زفر نے فر مایا کہ وارث ہو گی اس لئے کہ شرط پر معلق کرنا شرط پائے جاتے وقت ایسی اترتی ہے جیسے منجز طلاق اترتی ہے ، اس لئے مرض میں طلاق واقع کر نا ہوا۔
لغت: منجز : نجز سے مشتق ہے ، نقد ہو نا ، جو طلاق بغیر شرط کے دی جائے اور فورا واقع کی جائے اس کو طلاق منجز کہتے ہیں۔ اور جس طلاق کو شرط پر معلق کی جائے اس کو طلاق معلق کہتے ہیں ۔ لابد: جو کام کئے بغیر چارہ نہ ہو ، بد : جس کام کا کرنا ضروری نہ ہو ۔
تشریح: امام زفر کی رائے یہ ہے کہ صحت میں معلق کیا ہو اور مرض میں شرط واقع ہوئی ہو تب بھی عورت وارث ہو گی ۔ اس کی دلیل یہ ہے کہ جس وقت شرط پائی جاتی ہے ، گویا کہ اسی وقت شرط اتری ، اور اسی وقت معلق کیا ، اور شر ط اتری ہے مرض کی حالت میں تو گویا کہ معلق بھی مرض کی حالت میں کی اور گویا کہ طلاق بھی مرض کی حالت میں دی اس لئے وہ وارث ہو گی ۔جیسے کہ منجز طلاق مرض میں دے تو عورت وارث ہو تی ہے ۔
ترجمہ: ٥ اور ہماری دلیل یہ ہے کہ پچھلی تعلیق شرط کے وقت طلاق دینا حکما ہو تا ہے نہ کہ قصدا ، اور ظلم کا ثبوت ارادے سے ہو تا ہے اس لئے شوہر کا تصرف رد نہیں کیا جائے گا ۔
تشریح: ہماری دلیل یہ ہے کہ جس وقت طلاق کو معلق کیا ہے وہ طلاق شرط پائے جاتے وقت حکما اترتی ہے قصدا نہیں اترتی ، جس کا مطلب یہ ہوا کہ شوہر نے قصد اور ارادے سے مرض میں طلاق نہیں دی ، قصدا تو صحت میں معلق کی ہے ، اور حکما مرض میں وہ طلاق واقع ہو گئی ، اور قصدا مرض میں طلاق دے تب ظلم ہو گا ، اس لئے یہ ظلم نہیں ہوا اس لئے وارث نہیں ہو گی ۔
ترجمہ: ٦ بہر حال تیسری صورت یہ ہے کہ اپنی ذات کے فعل پر معلق کیا ہو ، چاہے معلق کرنا صحت میں ہو اور شرط پایا جانا مرض میں ہو ، یا دونوں مرض میں ہو اور فعل ضروری نہ ہو ، یا ضروری ہو اس لئے حق باطل کرنے کے ارادے سے فار ہو جائے گا ۔
تشریح: تیسری صورت یہ ہے کہ اپنی ذات کے فعل پر معلق کیا ہو ، اس کی بھی دو صورتیں ہیں جو دس صورتوں میں سے چھٹی اور ساتویں صورت بنتی ہے ]٥[ معلق کر نا صحت میں ہو اور شرط پایا جانا مرض میں ہو ،]٦[ یا معلق کرنا اور شرط کا پایا جانا دونوں مرض میں