ماہنامہ انوار مدینہ لاہور مئی 2011 |
اكستان |
|
درس حديث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) رُعب ایک غیبی ہتھیار۔ظلم پر حکومت نہیں چل سکتی فقہ بہت پہلے مدّون ہو چکی تھی ۔ شیعیت کی دخل اَندازی سے اَحادیث پاک ہیں سلطنت ِصفویہ بہت بعد کی چیز ہے ۔کچھ جنگیں ہو چکیں کچھ ہوں گی ( تخریج و تزئین : مولانا سیّد محمود میاں صاحب ) (کیسٹ نمبر 65 سا ئیڈA 30 - 01 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! ایک صحابی ہیں حضرت اَبو درداء رضی اللہ عنہ یہ جلیل القدر عالم صحابی تھے حضرت عمر رضی اللہ عنہ کے دَور میں فتوحات بکثرت ہوئیں لوگ اِسلام میں داخل ہوئے تو آئندہ نسل تک تعلیم پہنچانے کے لیے بھی اَور نومسلموں کو مسائلِ دین تعلیم کرنے کے لیے بھی ضرورت تھی کہ مختلف جگہوں پر علماء بھیجے جائیں تو صحابہ کرام میں حضرت اَبو درداء رضی اللہ عنہ کو حضرت عمر رضی اللہ عنہ نے شام بھیج دیا یہ وہاں رہے ہیں بلکہ ایک دفعہ حضرتِ معاویہ رضی اللہ عنہ سے کچھ خفگی ہوگئی تو یہ وہاں سے واپس بھی چلے آئے تھے حضرت عمر رضی اللہ عنہ نے اِن کو پھر بھیج دیا اَور یہ کہہ دیا کہ تمہارے کام میں معاویہ دخل نہیں دیں گے حضرت معاویہ کو لکھ دیا لَااِمْرَةَ لَکَ عَلَیْہِ یہ تمہارے تحت نہیںہیں اَب سے ،بلکہ اِن کا تعلق مرکز سے ہے صوبائی حکومت سے نہیں ہے تو پھر یہ وہیں رہتے رہے رضی اللہ عنہم ۔