ماہنامہ انوار مدینہ لاہور جنوری 2010 |
اكستان |
 |
چنانچہ جب اُن افراد سے رابطہ کیا گیا تو اُنہوں نے نہایت ہی خلوص و اِخلاص سے نہ صرف سارے حقائق اور معلومات مہیا کیں بلکہ دفتر عالمی مجلس تحفظ ِختم نبوت کراچی میں تشریف لاکر اِس بات کی یقین دہانی کرائی کہ ہم اِس سلسلہ میں ہر جگہ جانے بلکہ زید حامد سے بات چیت کرنے کے لیے بھی تیار ہیں۔ اِس سے پہلے کہ ہم زید حامد کے بارے میں وہ دلائل و براہین اور قرائن و شواہد پیش کریںجن سے ثابت کیا جائے کہ زید حامد مدعی نبوت یوسف کذاب کا …نعوذباللہ… صحابی، خلیفہ اوّل، اُس کے عقائد و نظریات کا علمبردار اَور اُس کی فکرو فلسفہ کا داعی و مناد ہے۔ ضروری معلوم ہوتا ہے کہ اپنا وہ مضمون اور تحریر بھی یہاں نقل کردی جائے جو زید حامد کے فتنہ سے آگاہی کا سبب اور ذریعہ بنی اور یہ اِس لیے بھی ضروری معلوم ہوتا ہے کہ جن حضرات نے یہ تحریر نہیں پڑھی یا ابھی تک اُن کی نگاہ سے نہیں گزری، اُن کے دل و دماغ میں بڑی شدّت سے یہ خیال آرہا ہوگا کہ آخر وہ کون سا مضمون اور تحریر ہے جس کے ذریعہ اِس نام نہاد ''مردِ مجاہد'' یا ''مسلمانوں، اسلام اور طالبان کے ترجمان''کے خفیہ پروگرام اَور زیر زمین منصوبے کو چیلنج کیا گیا؟ یا اُس کی ردائے باطنیت کو چاک کیا گیا ہے؟ لیجیے پہلے وہ تحریر پڑھیے : بسم اللہ الرحمن الرحیم الحمدللہ وسلام علی عبادہ الذین اصطفی! آنحضرتۖ نے بارگاہِ الٰہی سے اِطلاع پاکر قیامت تک پیش آنے والے حالات و واقعات کی اُمت کو اطلاع دی ہے اوراُنہیں ممکنہ خطرات و اَندیشوں سے آگاہ فرمادیا ہے۔ اِسی طرح قربِ قیامت میں جو جو فتنے ظہور پذیر ہوں گے یا جن جن طریقوں سے اُمت کو گمراہ کیا جاسکتا تھا، آپۖ نے اُن کی پیشگی اطلاع دے کر اُمت کو اُن سے بچنے کی تلقین فرمائی۔ چنانچہ اہل ِعلم اور علماء جانتے ہیں کہ احادیث کی تمام متداول و مُروّج کتب میں حضراتِ محدثین نے ''ابواب الفتن'' یا ''کتاب الفتن''کا عنوان قائم کرکے ایسی تمام احادیث اور روایات کو یکجا کردیا ہے۔ یوں تو قرب قیامت میں بہت سے فتنے اُٹھیں گے مگر اُن میں سب سے بڑا فتنہ دجال کا فتنہ ہوگا جو اِنسانیت کو اپنی شعبدہ بازیوں سے گمراہ کرے گا۔ دجال اکبر تو ایک ہوگا جس کو حضرت عیسٰی علیہ السلام آسمان سے نازل ہوکر مقام ''لُدّ'' میں قتل