ماہنامہ انوار مدینہ لاہور جنوری 2010 |
اكستان |
 |
''حضرت مدنی سے متعلق بہترین جوابات بھی انہماک سے پڑھے ہیں، میں خاکسار آپ کی توجہ کے لیے عرض کرنا چاہتا ہوں کہ ٹی وی ون کے ایک پروگرام میں ایک زبردست مجاہد صحافی زید حامد صاحب نے گستاخ حامد میر کو ''را'' کا ایجنٹ قرار دیا ہے، فون:0300-3345123'' دیکھا آپ نے اِن صاحب نے بھی زید حامد کو ''زبردست مجاہد صحافی'' لکھا، الغرض اِس قسم کے دَسیوں حضرات موصوف کے سحر میں گرفتار ہیں اور اُن کی تقریر و بیان اور تنقید و تجزیوں کو اپنے دل کی آواز سمجھتے ہیں، صرف اِس لیے کہ اُن کے سامنے زید حامد کی تصویر کا ایک رُخ ہے اور اُس کی زندگی کا دُوسرا بھیانک رُخ اُن کے سامنے نہیں ہے، جس میں وہ مدعی نبوت یوسف علی کذاب کا خلیفہ اوّل، ناموس ِرسالت کا غدّار اور فلسفۂ اجرائے نبوت کا قائل، یوسف کذاب کی فاشسٹ زندگی، اُس کی زنا کاری و بدکاری، کالے کرتوتوں کا حامی بلکہ اُس کے وکیل صفائی کا کردار اَدا کرتا رہا ہے، حد تو یہ ہے کہ وہ قوم کی عزت مآب مائوں، بہنوں، بہوئوں اور بیٹیوں کی عزت تار تار کرنے والے کو نعوذباللہ نبی و رسول باور کراتا رہا ہے۔ جب یہ بات طے ہے کہ کل کے زید زمان اور آج کے زید حامد نے یوسف علی کذاب کے عقائد و نظریات سے توبہ نہیں کی، بلکہ وہ آج بھی اُس کے خلاف عدالتی فیصلہ کو اِنصاف کا خون کہتا ہے تو یقینا آج بھی وہ کذاب یوسف علی کی روِش، اُس کے مشن اور عقائد و نظریات کا حامی و داعی ہے، فرق صرف اِتنا ہے کہ کل تک وہ کھل کر اُس کا جانبدار اَور وکیل ِصفائی تھا، مگر اَب وہ حالات کا دَھارا دیکھ کر وقتی اور عارضی طور پر اُس کی وکالت و ترجمانی سے کنارہ کش خاموش اور حالات کے سازگار ہونے کا منتظر ہے۔ اِس لیے ضروری ہوا کہ اس مارِ آستین کی زہرناکی اور فتنہ سامانی سے قوم کو آگاہ کیا جائے اور اُس کے خطرناک عزائم و اِرادوں سے بھولی بھالی اِنسانیت کو آشنا کیا جائے، لہٰذا طے ہوا کہ زید حامد اور یوسف کذاب کے پرانے تعلق داروں سے رابطہ کرکے صحیح صورت ِحال معلوم کرکے اَصل حقائق مسلمانوں تک پہنچائے جائیں، لہٰذا اِس سلسلہ میں جب رابطہ مہم شروع کی گئی تو بحمداللہ! اچھا خاصا مواد اور اُس حلقہ کے کئی ایسے حضرات مل گئے جو زید حامد کو بچپن سے اَب تک جانتے ہیں اور اُس کی زندگی کے اِنقلابات اور قلا بازیوں سے اچھی طرح واقف ہیں۔