ماہنامہ انوار مدینہ لاہور جنوری 2010 |
اكستان |
 |
قسط : ١ ہیں کواکب کچھ ، نظر آتے ہیں کچھ دیتے ہیں دھوکا یہ بازی گر کھلا راہبر کے رُوپ میں راہزن زید زمان المعروف زید حامد کا تعارف اور اِن جیسے دُوسرے ملحدین کا طریقۂ وَاردات اور اِن کے دجل و فریب سے بچنے اور محفوظ رہنے کی تدابیر ( حضرت مولانا سعید احمد صاحب جلال پوری مدظلہم ) الحمدللہ وسلام علی عبادہ الذین اصطفی! اکتوبر نومبر ٢٠٠٨ء میں راقم الحروف نے قربِ قیامت کے فتنوں اور فتنہ پروروں کی نشاندہی کرتے ہوئے حدیث کی مشہور کتاب کنزالعمال کی ایک روایت کے حوالہ سے اِنسان نما شیطانوں کے اِضلال و گمراہی کی نشاندہی کی اور ضمناً ٹی وی کے ''نامور تجزیہ نگار'' زید حامد کا تذکرہ کرتے ہوئے اِس کی طرف بھی اشارہ کیا تھا کہ کل کا زید زمان آج کا ''زید حامد'' ہے اور یہ بدنامِ زمانہ اور مدعی نبوت یوسُف کذَّاب کا خلیفۂ اوّل ہے، جو یوسف کذاب کے واصل جہنم ہونے کے بعد ایک عرصہ تک منقار زیر پَر اور خاموش رہا، جب لوگ، ملعون یوسف کذاب اور اس کے ایمان کُش فتنہ کو قریب قریب بھول گئے تو اُس نے زید حامد کے نام سے اپنے آپ کو منوانے اور متعارف کرانے کے لیے ایک پرائیویٹ ٹی وی چینل سے معاملہ کرکے اپنی زبان و بیان کے جوہر دِکھلانا شروع کردیے اور بہت جلد مسلمانوں میں اپنا نام اور مقام بنانے میں کامیاب ہوگیا،یہ بات بھی غلط ہے کہ براس ٹیکس نجی ٹی وی چینل کا پروگرام ہے، یہ پروگرام زید زمان کی اپنی کمپنی براس ٹیکس کا تیار کردہ ہے کیونکہ