ماہنامہ انوار مدینہ لاہور اکتوبر 2008 |
اكستان |
 |
ہ تمام کائنات کے اسرار منکشف کر نے کی کوشش کرے اور یہ کہ اِس عالم سے ماوریٰ جو اِسرار ہیں اُن سب کو منکشف کرنے کی اِسے صلاحیت عطا کی گئی ہے۔'' اِسی طرح القانون ِمسعودی کے مقدمہ میں مسلم دُنیاکی سب سے بڑی علمی وسائنسی شخصیت البیرونی کا قول نقل کیا گیا ہے: '' میں نے وہی کیا جو ہر اِنسان کو اپنے فن میں کرنا لازم ہے یعنی اَگلوں کے اِجتہادات و اِنکشافات کوممنونیت کے ساتھ قبول کرے اور کہیں خلل پائے تو بے جھجھک اُس کی اِصلاح کرے اور جو کچھ اُس فن میں اِسے سوجھے اپنے بعد کے زمانے والوں کے لیے محفوظ کر جائے ''۔ برطانیہ کے سب سے بڑے مؤرخ آرنلڈٹوئن بی نے اِعتراف کیا کہ یونان ورُوم کے علم الاصنام (بت پرستی) نے علم کو سب سے زیادہ نقصان پہنچایا اُس نے مظاہر ِقدرت کو معبود( دیوی دیوتا) بناکر تجربہ اور سائنس کا باب با لکل بند کردیا۔ اِنسانیت پر علوم وسائنس کا دروازہ قرآن کے اِنقلابی نظریۂ توحید نے کھولا۔ اِس اِنقلابی نظریہ نے مظاہر قدرت کو معبود کے مقام سے اُتار کر اَدنیٰ مخلوق اور اِنسان کو اشرف المخلوق کے درجہ میں رکھا، اِسی طرح مظاہرقدرت واَشیائے کائنات پرستش کے بجائے تسخیر اورفائدہ اُٹھانے کی چیزیں بن گئیں یہی بات اِنسائیکلو پیڈ یابرٹانیکا( 1984 ئ) کے مقالہ نگار نے لکھی: ''یونانی علوم کا رُومنوں کی بے توجہی سے خاتمہ ہوگیا تھا دوبارہ یو رپ کو یہ تمام علوم عربوں اورعربی کتب کے واسطے سے ملے، عربوںنے اِن علوم میں بیش بہا اِضافہ کر کے واپس کیا اِس طرح یورپ میں سائنس کے احیاء کادور شروع ہوا۔ '' یہ بات ملحوظ رہنی چاہیے کہ یو رپ نے عربوں سے اِکتسابِ علم اورعربی کتب کے ترجمے صلیبی جنگوں سے نہیں بلکہ اُس سے بہت پہلے شروع ہوگئے تھے۔ یہ عمل صدیوں تک مسلسل جاری رہا اُن کے مراکز ہسپانیہ سسلی( اٹلی) اوربیرنطہ (ترکی) رہے چنانچہ فرانس کا مشہور مؤرخ مو سیو لیبان اپنی کتاب'' تمدنِ عرب'' میں لکھتا ہے:'' عربی اور اِسلامی علوم صلیبی جنگوں سے نہیں بلکہ اُس سے بہت پہلے اُندلس اورسسلی کے ذریعے پہنچے البتہ اُس میں تیزی بارہویں صدی میں یورپ راجربیکن اورریمندلل کے منظم منصوبے کے بعد آئی۔ 1130 ء میں طلیطہ کے آرچ بشب ریمنڈ لل (Ramad Lull) کی سرپرستی میں عربی سے لاطینی مترجمین کا اِدارہ قائم ہوا جس نے مختلف فنون کی عربی کتب کا لاطینی میں ترجمہ کیا ۔یادرہے 1086ء میں طلیطہ (Toledo) کے سقوط کے بعد طیطہ کے نادرکتب خانے عیسائیوں کے قبضے میں آئے۔ عیسائی قبضے