ماہنامہ انوار مدینہ لاہور اپریل 2008 |
اكستان |
 |
سلسلہ نمبر٣١ قسط : ١
''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)
حضرت عائشہ کی عمر اور حکیم نیاز احمد صاحب کا مغالطہ
حضرتِ اقدس اور حکیم نیاز احمد صاحب کے درمیان خط و کتابت ١
حکیم نیاز احمد صاحب کا خط
٢٠ستمبر١٩٨٠ئ
محترمی حضرت مولاناصاحب !السلام علیکم ورحمة اللہ وبرکاتہ
(1 )آپ نے جس خرابی کی طرف اِشارہ کیا وہ میرے پیش ِنظرہے اورمیں آپ کے اِس خیرخواہانہ مشورہ کاممنون ہوں۔ مجھے افسوس ہے کہ میں اِس سلسلے میں آپ سے اس سلسلہ میں تفصیلی بات نہ کرسکا۔ حالانکہ میرے پاس اُس وقت تمام ریکارڈ موجودتھا۔ آپ دیکھ کرخوش ہوتے کہ میں نے اِس موضوع پرکتنی محنت کی ہے۔
١ گزشتہ شماروں میں قارئین نے جہلم کے حکیم فیض عالم صاحب کی حضرت اقدس قدس سرہ العزیز سے طویل خط وکتابت ملاحظہ فرمائی، اَب اپریل کے شمارہ سے سرگودھا کے حکیم نیازاحمدصاحب کی حضرت اقدس سے حضرت عائشہ رضی اللہ عنہا کی حضور اکرم ۖ سے شادی کے وقت عمرکے متعلق طویل خط وکتابت ملاحظہ فرمائیں گے۔ حکیم صاحب نے اِس سلسلہ میں ایک ضخیم کتاب لکھی ہے حکیم صاحب کومغالطہ ہے کہ حضرت عائشہ رضی اللہ عنہا کی نکاح ورُخصتی کے وقت جوعمراَحادیث میں آئی ہے وہ صحیح نہیں ہے۔ پیش ِنظر صفحات میں اِسی خط وکتابت کودیاجارہاہے۔(ادارہ)