ماہنامہ انوار مدینہ لاہور اپریل 2008 |
اكستان |
 |
گلدستہ ٔ احادیث ( حضرت مولانا نعیم الدین صاحب، مدرس جامعہ مدنیہ لاہور ) چارچیزیں پیغمبروں کی سنتوں میں سے ہیں : عَنْ اَبِیْ اَیُّوْبَ قَالَ قَالَ رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ اَرْبَع مِّنْ سُنَنِ الْمُرْسَلِیْنَ اَلْحَیَآئُ وَیُرْوَی الْخِتَانُ وَالتَّعَطُّرُ وَالسِّوَاکُ وَالنِّکَاحُ۔ ( ترمذی بحوالہ مشکٰوة ص ٤٤ ) حضرت ابوایوب اَنصاری رضی اللہ عنہ فرماتے ہیں کہ جناب رسول اللہ ۖ نے فرمایا چار چیزیں پیغمبروں کی سنتوں میں سے ہیں : (١) حیاء کرنا ،ایک دُوسری روایت میں (حیاء کے بجائے) ختنہ کرنا مروی ہے (٢) خوشبو لگانا (٣) مسواک کرنا (٤) نکاح کرنا۔ ف : حدیث ِ پاک میں یہ جو اِرشاد فرمایاگیا کہ چار چیزیں پیغمبروں کی سنتوں میں سے ہیں اِس سے تمام اَنبیاء و رُسُل مراد نہیں بلکہ اکثر اَنبیاء و رُسُل مراد ہیں کیونکہ بعض انبیاء و رُسُل ایسے ہیں جنہوں نے نکاح نہیں کیا مثلاً حضرت یحییٰ علیہ السلام ۔اور بعض انبیاء و رُسُل ایسے ہیں جو پیدا ہی مختون ہوئے تھے اُن کا دُنیا میں ختنہ نہیں ہوا مثلاً حضرت آدم، حضرت شیث، حضرت ہود، حضرت صالح، حضرت لوط، حضرت شعیب، حضرت یوسف، حضرت موسٰی، حضرت سلیمان، حضرت زکریا، حضرت عیسٰی اور جناب نبی کریم علیہم الصلوٰة والسلام۔ بنی علیہ السلام چارچیزوں کی وجہ سے نہانے کاحکم دیاکرتے تھے :عَنْ عَائِشَةَ اَنَّ النَّبِیَّ صَلَّی اللّٰہُ عَلَیْہِ وَسَلَّمَ کَانَ یَغْتَسِلُ مِنْ اَرْبَعٍ، مِنَ الْجَنَابَةِ وَیَوْمِ الْجُمُعَةِ وَمِنَ الْحَجَامَةِ وَمِنْ غُسْلِ الْمَیِّتِ ۔ (ابوداود بحوالہ مشکوة ص ٥٥) حضرت عائشہ سے روایت ہے کہ نبی کریم ۖ چارچیزوں کی وجہ سے نہانے کاحکم