ماہنامہ انوار مدینہ لاہور جنوری 2008 |
اكستان |
 |
فَسَبِّحَا ثَلٰثًا وَّ ثَلٰثِیْنَ وَحَمِّدَا ثَلٰثًا وَّ ثَلٰثِیْنَ وَکَبِّرَا اَرْبَعًا وَّ ثَلٰثِیْنَ فَھُوَخَیْر لَّکُمَا مِنْ خَادِمٍ ۔ (اخرجہ الشیخان) حضرت علی سے روایت ہے کہ فاطمہ حاضرہوئیں حضور ۖ کی خدمت میںتاکہ آپ سے حال بیان کریں اُس مشقت کا جو اُن کے ہاتھوں کو پہنچتی ہے چکی سے (یعنی چکی پیسنے سے سخت کلفت ہوتی تھی) اور اُن کو یہ خبر پہنچی تھی کہ حضور ۖ کے پاس ایک غلام آیا ہے (بذریعہ جہاد ) پس آپ نے حضور ۖ کو نہ پایا اوریہ حال حضرت عائشہ سے عرض کیا پھر جب حضورِ اقدس ۖ تشریف لائے آپ کو اِس بات کی حضرت عائشہ نے خبر دی۔ فرمایا حضرت علی نے کہ حضور ۖ ہمارے پاس تشریف لائے اور ہم اپنی خواب گا ہ پر جاچکے تھے (یعنی سونے کے لیے لیٹ گئے تھے) پس ہم کھڑے ہونے لگے تو فرمایا اپنی جگہ رہو تم دونوں (یعنی کھڑے نہ ہو)پھر آئے آپ اوربیٹھے میرے اورفاطمہ کے درمیان یہاں تک کہ میں نے آپ کے قدم مبارک کی ٹھنڈک پائی اپنے پیٹ پر، پھر فرمایا کیا نہ اطلاع دوں میں تم کو اُس چیز کی جوتم دونوں کے سوال (خادم) سے بہتر ہے (اور وہ یہ ہے کہ ) جب سونے کو لیٹو توتم دونوں تینتیس بار سبحان اللہ پڑھ لیاکرو اور الحمد للہ تینتیس بارپڑھ لیاکرو اوراللہ اکبر چونتیس بارپڑھ لیاکرو سو یہ بہتر ہے تم دنوں کے لیے خادم سے۔ اور خیرمتین میں کہاہے کہ سوتے وقت صحیح یہ ہے کہ یہ وظیفہ اِس طرح پڑھے کہ اوّل اللہ اکبر چونتیس بار پھر سبحان اللہ تینتیس بار اور اِس کے بعد الحمد للہ تینتیس بار پڑھے۔ دُنیا کی مشقت ہرطرح حضرت سیّدہ گوار ا فرماتی تھیں اورجناب رسولِ مقبول ۖ زُہد کی تعلیم دیتے تھے کیسی اچھی سمجھ کی مقدس بیوی تھیں کہ ذرا بھی نصیحت اور دینی مسئلہ قبول کرنے میں عذر نہ تھا گو خادم سے خدمت لینا خصوصاً ایسی مشقت اورکلفت کی حالت میں کہ دست ِمبارک کو سخت گراں گزرتا تھا کچھ گناہ نہیں مگروہاں تودُنیا کو مثل سرائے مسافر خیال کرتے تھے یہاں کی مشقت کی طرف کچھ توجہ نہ تھی، آخرت کی راحت آنکھوںکے سامنے مثل ِآفتاب نظر آتی تھی، اُس راحت کی اُمید اور حق تعالیٰ کی خوشنودی کے خیال سے مشقتیں آسان ہوجاتی تھیں۔