ماہنامہ انوار مدینہ لاہور جنوری 2008 |
اكستان |
 |
صرف یہ نہیں تھا کہ آپ اُسی طرح جیسے اقلیت میں مسلمان کہیں رہتے ہیں ہندوستان میں سری لنکا میں امریکہ اور یورپ میں، اُن کا دائرۂ کار مُلّا کی دَوڑ مسجد تک بس اِتنا ہے۔ آپ کا دائرۂ کار اِتنا نہیں ہے لیکن اپنے دائرۂ کار کو بڑھانے کے لیے تفقُّہ فی الدین کی شرط پہلے ہے، جب کوئی شخص فقیہ فی الدین بنے گا تب ہی پھر وہ آگے چل سکے گا اور کاموں کو سنبھال سکے گا اور معاشرے کی اِصلاح بھی کرسکے گا ،اگر فقیہ فی الدین نہیں بنے گا تو یہ بات بھی پھر نہیں ہوسکے گی۔ کم علمی کے ساتھ بہت آگے مت بڑھیے ،پہلے علم کو پختہ کیجیے وہی اَساس و بنیاد ہے اور عمل اُسی پر رکھا جاتا ہے، امام بخاری نے فرمایا ہے بَابُ الْعِلْمِ قَبْلَ الْقَوْلِ وَالْعَمَلِ کتاب العلم میں ایک عنوان ہے۔ پہلے علم جناب! بولنے سے پہلے یہ دیکھئے کہ آپ کے پاس کتنا ہے جھولی میں، کرنے سے پہلے دیکھئے کہ آپ کے پاس معرفت کتنی ہے ،اِس عنوان کے تحت امام بخاری نے اِسی طرف اِشارہ فرمایا کہ بھئی پہلے آپ اپنے کو تول کر دیکھئے پھر بولیے گا۔ یہ سارے حقائق بہرحال مذاکرے کے لیے ہیں آپ سے مذاکرے کا یہ موقع ملا، آپ کے سامنے کچھ باتیں عرض کی گئیں ،ہم سب کے مشترک مسائل ہیں آپ بھی جس علمی خاندان سے جڑے ہوئے ہیں اُسی علمی خاندان سے میں بھی جڑا ہوا ہوں ہم سب کے بزرگ ایک ہیں اور بالخصوص ہندوستان میں حضرت شاہ ولی اللہ دہلوی نے علمی میدان میں جو تجدید فرمائی تھی آج بھی اُسی کے سایہ تَلے بر صغیر کے سارے علماء اپنا سفر آگے بڑھارہے ہیں، اِس لیے'' فکر ولی اللّٰہی'' کو خاص طور پر اپنا ہدف بنائیے اُس کو سامنے رکھیے اُس فکر نے بڑا اعتدال عطاء کیا تھا اور اُس فکر کو لوگ بھلائے چلے جارہے ہیں ،بس دَرسی کتابوں تک علم رہ گیا ہے، دَرسی کتابیں اِس لیے ہوتی ہیں کہ ایک ملکہ پیدا ہوجائے ایک اِستعداد پیدا ہوجائے اِس لیے نہیں ہوتیں کہ وہ آپ کو بالغ النظر بنادے، اُس کے لیے تو پھر بہت بڑا میدان اور بہت مطالعہ چاہیے اُس سے پھر وہ بات حاصل ہوتی ہے یہ کتابیں ایسے ہی ہیں کہ جیسے زبان کا ایک کورس کرادیا جاتا ہے کہ زبان بولنا آجائے لکھنا آجائے، اَب اس زبان میںجو مواد ہے وہ تو بہت زیادہ ہے لائبریریاں بھری پڑی ہوئی ہیں ایسے ہی مدرسے کا جو نصاب ہوتا ہے وہ زندگی کے لیے کافی نہیں ہوتا ہے وہ تو صرف آپ کو بتادیتا ہے کہ بھئی یہ سڑک ہے اِس پر چلنا ہے ،اَب آپ چلتے رہیے چلتے رہیے اور عمر بھر سفر کرتے رہنا ہے بس اِنہی چند باتوں پر میں اِس وقت اِکتفاء کرتا ہوں۔ وَآخِرُ دَعْوَانَا اَنِ الْحَمْدُ لِلّٰہِ رَبِّ الْعَالَمِیْنَ ۔ ٭ ٭ ٭