ماہنامہ انوار مدینہ لاہور ستمبر 2006 |
اكستان |
|
تقریب ختم ِبخاری شریف قسط : ١ ١٨ رجب المرجب ١٤٢٧ھ مطابق ١٤ اگست ٢٠٠٦ء کوجامعہ مدنیہ جدید میں ختم بخاری کے موقع پر ایک پر وقار تقریب منعقد ہوئی۔ جامعہ مدنیہ جدید میں دورہ ٔ حدیث شریف کے آغاز کا یہ پہلا سال تھا، اس پہلی مقدس تقریب ختم ِبخاری شریف میں بہت سے علمائے کرام ،جامعہ کے اساتذہ ، طلباء اور بڑی تعداد میںبیرونی اور مقامی حضرات نے شرکت فرمائی۔ شیخ الحدیث حضرت مولانا سید محمود میاں صاحب نے بخاری شریف کی آخری حدیث پڑھا کر اُس کی تشریح کی اور آخر میں حضرت سید نفیس الحسینی شاہ صاحب مدظلہم نے رِقت آمیز دُعاء فرمائی۔ بِسْمِ اللّٰہِ الرَّحْمٰنِ الرَّحِیْمِ حَدَّثَنَا اَحْمَدُ بْنُ اَشْکَابَ قَالَ حَدَّثَنَا مُحَمَّدُ بْنُ فُضَیْلٍ عَنْ عُمَارَةَ بْنِ الْقَعْقَاعِ عَنْ اَبِیْ زُرْعَةَ عَنْ اَبِیْ ہُرَیْرَةَ رَضِیَ اللّٰہُ تَعَالٰی عَنْہُ قَالَ قَالَ النَّبِیُّ صَلَّی اللّٰہُ عَلَیْہِ وَسَلَّمَ کَلِمَتَانِ حَبِیْبَتَانِ اِلَی الرَّحْمٰنِ خَفِیْفَتَانِ عَلَی اللِّسَانِ ثَقِیْلَتَانِ فِی الْمِیْزَانِ سُبْحَانَ اللّٰہِ وَبِحَمْدِہ سُبْحَانَ اللّٰہِ الْعَظِیْمِ ۔ بخاری شریف کی اِس آخری حدیث کے پڑھے جانے سے اختتام بخاری ہوگیا۔ اللہ تعالیٰ اس کو قبول فرمائے اور ہم سب کو اپنے دین کی خدمت کا موقع عطاء فرمائے اور خدمت لے کر اُس کو قبول فرمائے۔ امام بخاری نے آخری باب جو باندھا ہے وہ وزن سے متعلق ہے۔ قیامت کے دن وزن ہوگا اعمال کا۔ امام بخاری کے جو تراجم ِابواب ہیں وہ ایک معرکة الآراء چیز ہیں۔ علماء نے ہر باب کی باہم ترتیب اور اُن کی مناسبت پر بہت ساری کتابیں لکھی ہیں اور ہر باب کو اُس کے پہلے باب سے مربوط کیا ہے۔ اِلہامی ترتیب : اِس بخاری شریف میں کئی ہزار ابواب ہوگئے شروع سے لے کر آخر تک۔ لیکن خدا دَاد الہامی ترتیب کی وجہ سے اِس کا جو آخری باب ہے اُس کی سب سے پہلے باب سے جہاں سے امام بخاری رحمة اللہ علیہ نے