ماہنامہ انوار مدینہ لاہور اکتوبر 2005 |
اكستان |
|
سلسلہ نمبر١٦ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔(ادارہ) مسائل ِزکٰوة ( نظر ثانی و عنوانات : مولانا سےّد محمود میاں صاحب ) ہمارے ایک معزز دوست نے توجہ دلائی کہ بہت سے اصحابِ استطاعت لوگ زکٰوة کے مسائل سے ناواقف ہونے کی وجہ سے زکٰوة جیسے فریضہ کی ادائیگی میں کوتاہی کرتے ہیں اور اگر وہ مسائل معلوم کرنا چاہتے ہیں تو آسان زبان میں مسائل نہیں ملتے اورمشکل زبان جس میں عربی الفاظ آتے ہوں سمجھنے سے قاصررہتے ہیں اور ایسے مضمون کو چھوڑ دیتے ہیں ۔ اس لیے سہل زبان میں یہ کچھ مسائل درج کیے جارہے ہیں ۔اگرکوئی صاحب زکٰوة کے اورمسائل دریافت کرنا چاہیں تو وہ بھی دریافت کرلیں تاکہ یہ مجموعہ مختصر رسالہ کی صورت میں بھی طبع کرادیا جائے۔ (حامد میاں غفرلہ) ''جس شخص نے مال کی زکٰوة ادا نہیں کی ، قیامت میںاُسکا مال ایک زہریلا اژدہا بناکر اُسکے گلے میں ڈالا جائیگا جو اُسکو کاٹتارہے گا اوریہ کہہ کر کاٹے گا کہ میں تیرا مال ہوںتیرا خزانہ ہوں ''۔ (الحدیث) سوال : زکٰوة کی مذہبی نوعیت کیا ہے ؟ جواب : زکٰوة فرض ہے۔ اسلام کے بنیادی ارکان میں شامل ہے، اِس کا منکر کافر ہے اوراِس پر عمل نہ کرنے والا گنہگار ہے۔