ماہنامہ انوار مدینہ لاہور اکتوبر 2005 |
اكستان |
|
کو Sleeping Partner بنالیتے ہیں ۔یہ شراکت بالکل غلط اورناجائز ہے کیونکہ ایک توشراکت میں جمع کی ہوئی رقم کسی کاروبار میں نہیں لگتی بلکہ صرف قرض میں دی جاتی ہے اوردوسرے آڑھتی سرمائے پر نہیں بلکہ اپنی محنت پر کمیشن وصول کرتا ہے لہٰذا اِس کمیشن میں بھی شراکت نہیں ہوسکتی۔ کمیشن ایجنٹ دلالی کی چند جدید صورتیں : (١) فاریکس ( FOREX )کمپنیاں : اِن سے مراد وہ کمپنیاں ہیں جو اپنے مؤکلین اورعالمی تجارتی مراکز میں موجود دلالوں کے درمیان کمیشن ایجنٹ کے طورپرکام کرتی ہیں : " A commission house between the clients and brokerage houses in the various finance trading centres of the world." اس کا طریقہ بعض کمپنیوں کے یہاں یہ ہے کہ کمپنی میں دس ہزار ڈالر جمع کراکے آپ اُس کے رکن بن جاتے ہیں ۔کمپنی والے پھر آپ کی رہنمائی کرتے ہیں کہ آپ کب اورکون سی کرنسی خریدیں کہ جس کو بعد میں فروخت کرکے نفع کی اُمید کی جاسکتی ہے ۔ ہر کرنسی کی خرید کی کم سے کم مقدار مقرر ہوتی ہے جس کو ایک لاٹ (Lot) یا کھیپ کہا جاتا ہے ۔ جب آپ کسی کرنسی کی ایک لاٹ خریدنا چاہیں اورکمپنی کواپنا آرڈر دیں تو کمپنی اُن جمع شدہ دس ہزار ڈالر میں سے دوہزار ڈالر بطوربیعانہ یا سیکورٹی کے مختص کرلیتی ہے اور آرڈر اپنے مرکزی دفتر کو پہنچا دیتی ہے جو آرڈر کی تکمیل کرکے لاٹ کی خرید کی اطلاع دیتا ہے ۔ یہ خرید دوطرح کی ہوتی ہے ۔ایک نقد جس کوCash Trading /Spot کہتے ہیں اور دوسری بیع سلم قسم کی جس کو Future Tradingکہتے ہیں ۔Future Trading میں یہ طے پاتا ہے کہ بائع ایک مقرر مدت کے بعد طے شدہ مہینے میں فلاں تاریخ کو وہ لاٹ مہیا کرے گا اورقیمت کی تعیین بھی کرلیتے ہیں ۔ عام طورسے جو سودے کیے جاتے ہیں وہ Trading Future کے ہوتے ہیں ۔ آپ کمپنی کے ذریعہ سے جب کوئی لاٹ خریدتے ہیں تو خواہ بعد میں آپ کو فائدہ ہو یا نقصان ہو کمپنی