ماہنامہ انوار مدینہ لاہور اکتوبر 2005 |
اكستان |
|
وفات حسرت آیات حضرت خلیفہ غلام رسول صاحب ر حمة اللہ علیہ گزشتہ ماہ کی ٩ تاریخ کو ڈیرہ اسمٰعیل خان میں حضرت مولانا احمد علی صاحب لاہوری نوراللہ مرقدہ کے خلیفہ مجاز حضرت خلیفہ غلام رسول صاحب طویل علالت کے بعد انتقال فرماگئے انا للّٰہ وانا الیہ راجعون۔ حضرت خلیفہ صاحب رحمة اللہ علیہ اِس دور کے برگزیدہ بندوں میں تھے ،ہر وقت ذکروعبادت میں مشغول رہتے تھے ،اِن کی وفات اہل ِعلم و معرفت کے لیے بڑا حادثہ ہے۔حضرت خلیفہ صاحب جامعہ مدنیہ جدید اور خانقاہ حامدیہ سے بہت زیادہ قلبی لگائو رکھتے تھے اوراِس کے لیے ہمیشہ دُعا گور ہتے تھے۔ اِن کی وفات سے ادارہ ایک عظیم سائے سے محروم ہوگیا ہے، اللہ تعالیٰ اپنے فضل سے اِس نقصان کی تلافی فرمائے اورحضرت خلیفہ صاحب نوراللہ مرقدہ کی مغفرت فرماکرجنت الفردوس میں جگہ عطا فرمائے، ان کے فیض کو تاحیات جاری فرمائے ان کے پسماندگان اورمتعلقین کو صبر جمیل کی توفیق نصیب ہو، اہلِ ادارہ ان کے غم میں برابر کے شریک ہیں ۔ جامعہ مدنیہ جدید اورخانقاہ حامدیہ میں حضرت خلیفہ غلام رسول صاحب کے لیے ایصالِ ثواب اوردُعائے مغفرت کرائی گئی ۔ اللہ تعالیٰ قبول فرمائیں۔ آمین۔