ماہنامہ انوار مدینہ لاہور اکتوبر 2005 |
اكستان |
|
درس حدیث حضرت اقدس پیر و مرشدمولانا سید حامد میاںصاحب کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈلاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) رمضان کی اہمیت ۔قرآن اوررمضان عورتوں کے لیے ذکر ( تخریج و تزئین : مولانا سےّد محمود میاں صاحب ) کیسٹ نمبر ٤٧ سائیڈبی ( ١٩٨٥ ۔٥۔٣١) الحمد للّٰہ رب العالمین والصلٰوة والسلام علی خیرخلقہ سیّدنا ومولانا محمد وآلہ واصحابہ اجمعین امابعد ! یہ توآپ حضرات کو معلوم ہے کہ یہ رمضان المبارک کے دن ہیں ۔قرآن پاک کی تلاوت اوراِن اوقات میں کثرت کے ساتھ ذکر کرنے کی خاص مناسبت ہے ۔ قرآن پاک کی تلاوت ہے، استغفار ہے ،دُعا ہے، ذکر کی کثرت ہے جس طرح بھی ہو جس کلمات سے بھی ہو، اِس کے اِن دنوں میں خاص اثرات مرتب ہوتے ہیں رمضان میں اچھے اوربُرے عمل کا اثر : حضرت مجدد صاحب تحریر فرماتے ہیں ایک جگہ ،کہ جیسا رمضان گزارے گا آدمی ویسے ہی اُس کے اثرات ہوں گے۔ خدا کی یاد میں اگر گزارا ہے توسارے سال اِس کے اثرات رہیں گے ،غفلت میں گزارا ہے تو سارے سال اِس کے اثرات رہیں گے، تو اتنا زیادہ رمضان کے اعمال کو دخل ہے تو قرآن پاک کی تلاوت وہ تو ہو ہی جاتی ہے تراویح میں سُننا بھی ہو جاتا ہے حفاظ جو ہیں اُنھیں یاد کرنے کی وجہ سے زیادہ پڑھنا پڑتاہے۔