ماہنامہ انوار مدینہ لاہور اکتوبر 2005 |
اكستان |
|
اسی طرح بہت سے نام اورمقامات غلط طورپر درج کیے گئے ہیں جہاں شریک تھا وہاں شریح لکھا ہے جہاں علی بن عثمان الجلابی تھا وہاں بو علی بن عثمان لکھا ہے ۔عتبہ بن الغلام کو عتبہ العلام لکھا ہے یہاں تک کہ حضرت شیخ فریدالدین عطار کے شیخ مجدالدین بغدادی کا اسم گرامی بھی امام محمد خوارزمی لکھا ہے۔ غرضیکہ ہمارے ہاں دستیاب اُردو نسخے اس قدر اغلاط سے بھرے ہوئے ہیں اورناقص ہیں کہ ان اغلاط کی تفصیل کے لیے ایک الگ مقالہ کی ضرورت ہے ۔ان اغلاط کی روشنی میں ہمارے ہاں دستیاب ''تذکرة الاولیاء اُردو ''کی نسبت حضرت شیخ عطار کی طرف کرنا درست معلوم نہیں ہوتا بلکہ یہ اس کتاب سے ماخوذ ایک الگ کتاب معلوم ہوتی ہے ۔ضرورت اس بات کی ہے کہ اس بارہ میں تحقیقی کام ہو کیونکہ اولیاء کے حالات معاشرہ میں تبدیلی پیدا کرنے کا اہم ذریعہ ہیں خصوصاً آج کے معاشرہ میں صوفیاء کے آثار کی اہمیت پہلے سے کہیں بڑھ گئی ہے۔ قارئین انوارِمدینہ کی خدمت میں اپیل ماہنامہ انوارِ مدینہ کے ممبر حضرات جن کو مستقل طورپر رسالہ ارسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ انوارِ مدینہ ایک دینی رسالہ ہے جو ایک دینی ادارہ سے وابستہ ہے اس کا فائدہ طرفین کا فائدہ ہے اور اس کا نقصان طرفین کا نقصان ہے اس لیے آپ سے گزارش ہے کہ اس رسالہ کی سرپرستی فرماتے ہوئے اپنا چندہ بھی ارسال فرمادیں اوردیگر احباب کوبھی اس کی خریداری کی طرف متوجہ فرمائیں تاکہ جہاں اس سے ادارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)