ماہنامہ انوار مدینہ لاہور اکتوبر 2005 |
اكستان |
|
نیز دعوٰی دوستی دوستان تومی کنم وخود را برفتراک ایشان می بندم ''۔ ١ ''اے خدا ! ایک کتے ( اصحاب کہف کا کتا ) نے چند قدم تیرے دوستوں کے ساتھ اُٹھائے، تو نے اُسے اُن کے ساتھ کردیا (عاقبت میں )۔میں بھی تیرے دوستوںکی دوستی کا دعوٰی کرتا ہوں اوران کے فتراک میں خود کو نخچیرتصورکرتا ہو ں''۔ یہ کہہ کر اللہ پاک سے اس کتاب کی مقبولیت کی دعا کرتے ہیں جو کہ ظاہر ہے اللہ کے ہاں نہایت مقبول ہے ۔ انتشارات زوّار ایران نے ١٩٩٦ء میں ڈاکٹر محمد استعلامی کا تحقیق شدہ انتہائی متحقق نسخہ تذکرة الاولیاء شائع کیا ہے، ہمارے پیش نظر وہی نسخہ ہے ۔ڈاکٹر محمد استعلامی نے مختلف خطی اورشائع شدہ نسخو ں کی مدد سے اِس نسخہ کو مدون کیا ہے اورایک نہایت پر مغز دیپاچہ بھی تحریر کیاہے ۔اس دیپاچہ میں دوخطی نسخے (ایک کتب خانہ پیر الھدای ترکیہ اوردوسرا کتاب خانہ ملی تہران ) کاذکرکیا ہے جن میں ابواب کی تعدا د ٧٢ ہے ۔اسی میں پروفیسر نکلسن کے مدون کیے ہوئے نسخے کا بھی ذکر ہے جس میں ابواب کی تعداد ٩٦ ہے ۔پروفیسر نکلسن نے آخری٢٥ابواب کو ملحقات تصور کرتے ہوئے اس کو ''ذکر متاخرین از مشائخ کبار'' کے نام سے لکھا ہے ٢ ڈاکٹر محمد استعلامی نے بھی اِن کے ملحقات ہونے کی بہت سی وجوہات لکھی ہیںجو قابلِ توجہ ہیں۔ ٣ اس پیشِ نظر نسخہ کے مقدمۂ کتاب میں بھی حضرت شیخ نے ٧٢ ابواب ہی تحریر فرمائے ہیں جن کا آغاز حضرت جعفر صادق سے ہوتا ہے اوراختتام حضرت منصورحلاج کے ذکر پر ہے ۔ تذکرة الاولیاء ہمارے یہاں نہایت پڑھی جانے والی کتاب ہے مگر افسوس کے ساتھ کہنا پڑتا ہے کہ ہمارے ہاں کے شائع شدہ تمام نسخے نہایت غیر محقق اورترجمہ کے لحاظ سے انتہائی ناقص ہیں اورقریباًایک ہی ترجمہ تمام ناشرین شائع کررہے ہیں جس پر مترجم کا نام تک درج نہیں ہے ۔مقدمة الکتاب سمیت پوری کتاب کا ترجمہ نامکمل ہے جو مقامات مترجم کو مشکل معلوم ہوئے اُن کو حذف کردیا گیا ہے ۔ فہرست کتاب میں بھی تبدیلی کی گئی ہے۔ کئی جگہ اپنی طرف سے اضافہ کیاگیا ہے جن کا اصل کتاب سے کوئی تعلق نہیں جس کی ایک مثال حضرت امام ابوحنیفہ کی کنیت والا واقعہ ہے جو اصل کتاب میں نہیں ہے ۔ ٤ ١ تذکرة الاولیاء ڈاکٹر محمد استعلامی ص١٠ ٢ ایضاً ص٤١، ٤٢ ٣ تفصیل کے لیے دیکھیں ملحقاتِ تذکرہ ص٢٥ ٤ اس واقعہ کی تحقیق حضرت مولانا نعیم الدین صاحب مدظلہ نے کی ہے،تفصیل کے لئے دیکھیں : ماہنامہ انوارمدینہ جلد ١،شمارہ ٩