ماہنامہ انوار مدینہ لاہور اکتوبر 2005 |
اكستان |
 |
وَیَقْتُلُوْنَ النَّبِیِّیْنَ بِغَیْرِ حَقٍّ وَّیَقْتُلُوْنَ الَّذِیْنَ یَأْمُرُوْنَ بِالْقِسْطِ مِنَ النَّاسِ فَبَشِّرْھُمْ بِعَذَابٍ اَلِیْمٍ ۔(پ ٣ سورہ آل عمران آیت ٢١ ) '' اورقتل کرتے ہیں نبیوں کو ناحق اورقتل کرتے ہیں اُن لوگوں کو جو عدل کا حکم دیتے ہیں ،تو آپ ان کو درد ناک عذاب کی بشارت دے دیں ''۔ حضرت موسیٰ علی نبیناوعلیہ السلام نے اِن کی ہر طرح سے مدد فرمائی ان کے سیاسی اورمعاشی استحکام کے لیے فرعون سے ٹکرلی ، اللہ نے اُس کو اُس کے لشکر سمیت غرق کردیا اوربالآخراِن کو فرعون کے شکنجہ سے نجات نصیب ہوئی۔ اس سب کچھ کے باوجود انہوں نے اپنے محسن حضرت موسیٰ علیہ السلام کی نافرمانی شروع کردی اوراِن کو بہت اذیتیں دیں ۔دین ومذہب میں تحریف بھی اِن کے بائیں ہاتھ کا کھیل ہے ۔اِن تمام اُمور کی وجہ سے اللہ تعالیٰ نے اِن کو ذلت ورُسوائی کا مارا ہوا قراردے دیا، ایسی بد عہداورمحسن کُش قوم سے کسی خیر کی اُمید رکھنا حقائق سے آنکھیں چرانے کے مترادف ہے۔ غزہ سے انخلاء جیسی چھوٹی موٹی کارروائیوں میں یہودیوں کا بہت بڑا سیاسی اورمالی فائدہ ہے جس پر حقیقت پسندی کا لبادہ اوڑھا گیا ہے ۔ اِس موقع پر حکمرانوں کو بہت دُور اندیشی سے کام لیتے ہوئے کوئی قدم اُٹھانا چاہے اوربلا وجہ کی خوش فہمی میں مبتلا نہ ہونا چاہیے۔ اللہ تعالیٰ مسلمانوںکو یہود ونصارٰی کے شر سے بچنے کی توفیق عطا فرمائے۔ آمین۔ درس ِ حدیث حضر ت مولانا سید محمود میاں صاحب( مہتمم جامعہ مدنیہ جدید) ہر انگریزی مہینے کے پہلے ہفتہ کو بعد از نماز ِ عصرشام5:30 بمقام 537-Aفیصل ٹائون نزد جناح ہسپتال مستورات کو حدیث شریف کا درس دیتے ہیں۔ خواتین کو شرکت کی عام دعوت ہے۔(ادارہ)