ماہنامہ انوار مدینہ لاہور ستمبر 2005 |
اكستان |
 |
انقلاب کے بعد ایران سے چلے گئے تھے۔ ملاقات کے معاملات کو حتمی شکل دینے کے لیے اقوام متحدہ میں ایرانی سفیر نے یہودی کمیونٹی کے رہنمائوں سے بھی ملاقات کی ہے۔ (روزنامہ نوائے وقت لاہور ٢٩جولائی ٢٠٠٥ئ) برطانیہ میں مسلمانوں پر حملوں میں چھ سو گنا اضافہ ہوگیا لندن (اے پی پی)گزشتہ ماہ کی سات تاریخ کو لندن میں ہونے والے بم دھماکوں کے بعد مذہبی منافرت میں چھ سو فیصد اضافہ ہوا۔اس منافرت میں مساجد پر حملے ، جائیدادوں کو نقصان اورجسمانی وزبانی حملے شامل ہیں۔٧جولائی کے بعد مذہبی منافرت کے ٢٦٩ کیس درج ہوئے جبکہ اس کے مقابلے میں گزشتہ ڈیڑھ سال میں صرف ٤٠ کیس رجسٹر ہوئے تھے۔ گزشتہ ماہ سے اب تک دارالحکومت لندن میں مذہبی منافرت کے ٦٨ جرائم ہوئے ۔سکاٹ لینڈ یارڈ کے اسسٹنٹ کمشنر کے مطابق اس بات میں کوئی شک نہیں کہ مسلم برادری کے خلاف لوگوں کے منفی رویے میں اضافہ ہوا ہے۔ بی بی سی کے مطابق پولیس نے بتایا کہ ٧جولائی کو ٹیوب ٹرینوں اورایک بس پر حملوں کے بعد عام مسلمانوں سے نفرت کی بناء پر حملوں میں بہت اضافہ ہو گیا ہے ۔پولیس نے بتایا کہ مسلمانوں پر حملوں میں گزشتہ سال کے مقابلے میں چار گنا اضافہ ہوا ہے اورپولیس کے مطابق دوسو ستر وارداتیں ہو چکی ہیں جن میں گالی گلوچ کے علاوہ معمولی مارپیٹ اورگھروںاورمسجدوں کو نقصان پہنچانے تک سبھی باتیں شامل ہیں۔ لندن کے اسسٹنٹ پولیس کمشنر طارق غفور نے بتایا ہے کہ ٧ جولائی کے حملوں کے بعد صرف پہلے تین روز میںمسلمانوں کے خلاف اڑسٹھ ایسے حملے ہوئے ۔انہوںنے اندیشہ ظاہر کیا ہے کہ ان حملوں کی وجہ سے مسلمان کہیں پسپائی نہ اختیار کرلیں اور پولیس کے ساتھ اس وقت تعاون نہ کریں جبکہ ان کے تعاون کی سخت ضرورت ہے۔ (روز نامہ نوائے وقت لاہور ٤اگست ٢٠٠٥ئ)