ماہنامہ انوار مدینہ لاہور مئی 2005 |
اكستان |
 |
فرما ہو گئے اورکچھ اپنے دست ِمبارک سے بھی تولا ہوگا نانپا ہوگا کھجوروںکو، کیونکہ.......................... اس کا بھی ذکر آتاہے کہ آپ نے خود کیا کچھ ،تو معلوم ہوتا ہے پہل آپ نے کی ہے تھوڑی سی ، اس کے بعدفرمایا دیتے رہو۔ تو وہ ڈھیر ہی ختم نہیں ہوا اور سارا قرض اُن کا ادا ہوگیا اور وہ کہتے تھے کہ مجھے ڈھیر ایسا لگتا تھا جیسے کہ لَمْ یَنْقُصْ تَمْرَة ایک کھجور بھی اُس میں کم نہیں ہوئی ۔ یہ کوئی نظربندی تو نہیں تھی بس معجزہ تھا۔ اللہ تعالیٰ کے لیے کوئی ضابطہ نہیں ہے : اللہ تعالیٰ جب کھجورپیدا فرماتے ہیں تو اس میں یہ قاعدہ دُنیا کے لیے مقرر فرمادیا کہ ایک درخت جو اِس عمرکو پہنچ جائے پھر وہ موسم آئے پھر اُس پر پھول آئے پھر پھل شروع ہو پھر وہ پکے پھر اتنے عرصہ اُس پر گرمی کے اثر سے پختگی آئے پھر وہ اُتارا جائے۔یہ ایک قاعدہ اللہ نے بنادیا ہے لیکن اللہ تعالیٰ اس کا محتاج نہیں ہے ۔ قاعدہ بنادیاہے، ہوگا اسی طرح ،نظام ایک بنا دیا ہے دُنیا کا، اپنے لیے نہیںکیونکہ وہ غنی ہے ۔ جب چاہے جیسے چاہے بِلاسبب آخری جو چیز ہوتی ہے وہ پہلی دفعہ ہی میں ہو جاتی ہے فورًاہو جاتی ہے تو یہ معجزہ ہوا۔ ایسے ہی کرامت بھی اسی قسم کی چیز ہے اور کرامت بھی خداکی طرف سے ہوتی ہے تاکہ لوگ اس کا یعنی اس دین کا اکرام کریں ۔یہ جو کرامت ہوتی ہے یہ بھی رسول اللہ ۖ کا معجزہ ہے ایک طرح سے۔کسی آدمی کے ہاتھ پر ظاہر ہوا اوراسلام کا معجزہ ہے جو اس کے ہاتھوں ظاہر ہوا مگر یہ نبی نہیں ہے اس لیے اس کے ہاتھ سے جو ایسی چیز ظاہر ہوتی ہے اس کو ''کرامت'' کہتے ہیں اور نبی کے ہاتھ سے ظاہر ہو تو اُسے '' معجزہ '' کہتے ہیں ۔تو سرورِ کائنات علیہ الصلٰوة والسلام کا یہ معجزہ تھا۔ معجزہ اورنظر بندی کا فرق : اب اگر کوئی آدمی اسی طرح کا تماشا نظر بندی کے ذریعے کردے کہ تول تول کرد ئیے جائے اور وہ چیز بڑھتی ہی جائے تو جب گھر کوجاکر دیکھیں گے تھیلے خالی ہوں گے ،وہ تو پھر آکر اورسوار ہوجائیں گے کہ تو نے ہمیں دھوکہ دیا تونے نظربندی کی تھی لیکن جہاں معجزہ ہوگا وہاں نظر بندی نہیں ہوگی وہاں سچ مچ ہی ہوگا۔ اس میں پھر یہ نہیں ہوگا کہ تبدیلی آجائے غلط چیز ہوگئی ہو بلکہ واقع میں بھی ویسے ہی ہوگی، تو اس میں انسان عاجز ہے کہ اس کو سمجھ سکے، سمجھنا اس کا بس اسی طرح ہے کہ خدا کو قدرت ہے اور جیسے اس نے اسباب بنائے ہیں ایسے ہی وہ اسباب سے ہٹ کر بھی چیزیں بنا سکتا ہے۔جب چاہے جس چیز کو چاہے ،مٹی کو پتھر بنادے ،پتھر کو ہیرا بنادے، چاہے مدتوں بعد بنائے جیسے نظام چل رہا ہے ، چاہے وہ اسی وقت بنائے، جو وہ چاہے ہو سکتا ہے اور وہ کرسکتا ہے ۔