تجلیات الہیہ کی غیر فانی لذت |
ہم نوٹ : |
 |
مفسرین نے یہ کی ہے کہ کریم وہ ہے جوبغیر استحقاق، بغیر صلاحیت اور بغیر قابلیت اپنی نعمت دیتا ہو، اے خدا! آپ کریم ہیں اور ہم نالائق ہیں، ہمارے سینے اور دل اس قابل نہیں ہیں لیکن ہم آپ کی کریم ذات کا واسطہ دیتے ہوئے آپ سے آپ کا کرم مانگتے ہیں کہ آپ ہمارے گندے دلوں کو پاک کرکے اپنی پاک محبت اس میں داخل فرمائیے اور ہمیں اپنے اولیاء اللہ والی زندگی نصیب فرمائیے۔ یا اللہ! دنیا پردیس ہے، یہاں تو چند دن رہنا ہے، اگر ہم یہاں عیش والے بن گئے مگر مرنے کے بعد قبر اور دوزخ کی زندگی خراب ہوگئی، تو ہمارا دنیا کے پردیس کا رئیس ہونا اور عیش میں رہنا سب بے کار ہے۔ اس لیے میرے مالک! ہماری پردیس کی زندگی کو بھی آرام والی، عزت والی بنادے اور اس سے زیادہ ہماری وطنِ آخرت کی زندگی کو عزت و راحت والی بنائیے، جن اعمال سے وہاں کی عزتیں ملتی ہیں ان کی توفیق دیجیے اور ہمیں نفس کی غلامی سے چھڑاکر، شیطان کی غلامی سے چھڑاکر یا اللہ! اپنی غلامی اور اپنے پیارے رسول صلی اللہ علیہ وسلم کی سچی غلامی نصیب فرمادیجیے، آمین۔ وَصَلَّی اللہُ تَعَالٰی عَلٰی خَیْرِ خَلْقِہٖ مُحَمَّدِ وَّاٰلِہٖ وَصَحْبِہٖ اَجْمَعِیْنَ بِرَحْمَتِکَ یَااَرْحَمَ الرَّاحِمِیْنَ دیدہ اشک باریدہ لذت قرب ندامت گریہ وزاری میں ہے قرب کیا جانے جو دیدہ اشک باریدہ نہیں جس کو استغفار کی توفیق حاصل ہوگئی پھر نہیں جائز یہ کہنا کہ وہ بخشیدہ نہیں اختر