کرامت تقوی |
ہم نوٹ : |
 |
گناہ؟ اور گناہ سے کیا ملتا ہے؟ صحت خراب ہوتی ہے، ذلت ہوتی ہے، دل میں بے چینی ہوتی ہے اور اﷲ تعالیٰ کی اس وعید کے مطابق کہ فَاِنَّ لَہٗ مَعِیۡشَۃً ضَنۡکًا گناہ گار کی زندگی تلخ ہوجاتی ہے۔پس بین الاقوامی گدھا اور بین الاقوامی بے وقوف ہے وہ شخص جو تھوڑی دیرحرام لذت حاصل کرکے اور اﷲ کو ناراض کرکے اﷲ تعالیٰ کی طرف سے اپنی زندگی کو تلخ کروالے۔ حق تعالیٰ اس کی تلخ زندگی کا اعلان کر رہے ہیں۔ لہٰذا ہم سب عہد کرلیں کہ گناہ سے بچنا ہے۔ گناہ چھوڑنے سے دل پر جو تکلیف بھی گزر جائے اس کو برداشت کرنا ہے پھر اﷲ کی رحمت برسے گی اور ان شاء اﷲ ہم سب ولی اﷲ ہوجائیں گے۔ تمام معاصی سے بچنے کا ایک عجیب نسخہ میں عرض کرتا ہوں کہ اگر آج اُمت چار اعمال کر لے تو سب گناہوں کو چھوڑنا آسان ہوجائے گا:(۱)……پاجامہ ٹخنوں سے اوپر رکھیں۔(۲)……داڑھی ایک مشت رکھیں کیوں کہ چاروں اماموں کے نزدیک تینوں طرف سے ایک مٹھی داڑھی رکھنا واجب ہے۔(۳)……نگاہ کی حفاظت کا اہتمام کریں، بدنظری تمام گناہوں کی جڑ ہے، جو بدنظری کرتا ہے اس کے دل کا دارالخلافہ اور مرکز تباہ ہو جاتا ہے، اس کا دل اس قابل نہیں رہتاکہ اﷲ تعالیٰ کا تعلق اور نسبت اس میں قائم ہو۔ جس نے بدنظری کی اس نے اپنی نسبت مع اﷲ کوضایع کردیا،عبادت کی حلاوت ختم کر دی، نظربچانے پر حلاوتِ ایمانی کا وعدہ ہے، پس جو اپنی نظر کو نہیں بچائے گا اس کو اﷲ تعالیٰ کی عبادت اور محبت کا مزہ نہیں مل سکتا اور اس پر لعنت الگ برسے گی۔ بخاری شریف کی حدیث ہے: زِنَا الْعَیْنِ النَّظَرُ 27؎بدنظری آنکھوں کا زنا ہے۔ پس آنکھوں کا زنا کرنے والا بھلا ولی اﷲ ہوسکتا ہے؟ غیر محرم چاہے وہ چچازاد بہن ہو، ماموں زاد بہن ہو، خالہ زاد بہن ہو، اپنے سگے بھائی کی بیوی ہو ان کو دیکھنا آنکھوں کا زنا ہے۔ _____________________________________________ 27؎صحیح البخاری: 923،922/2 (6275)، باب زناالجوارح دون الفرج ، المکتبۃ المظھریۃ