کرامت تقوی |
ہم نوٹ : |
 |
ہو اور اگر نیچے سے آ رہا ہویعنی صَاعِدٌ مِّنَ الْاَسْفَلِ ہو تو اس کے لیے مسئلہ یہ ہے کہ اگر اس لباس سے ٹخنہ چھپ رہا ہو تو جائز ہے، جیسے کہ موزہ۔ موزوں سے ٹخنہ چھپتا ہے کہ نہیں؟ لیکن موزہ جائز ہے کیوں کہ نیچے سے آرہا ہے۔ اوپر سے جو لباس نیچے آ رہا ہے لنگی، پاجامہ، چادر، عبا، کرتا اس سے ٹخنہ چھپانا جائز نہیں کھڑے ہونے کی حالت میں اور چلنے کی حالت میں۔ تکبر کرنے والا جنت کی خوشبو بھی نہیں پائے گا اسی طرح اور ظاہری گناہوں کو بھی چھوڑ دیا جائے۔ جھوٹ بولنا چھوڑ دیا جائے، رشوت لینا چھوڑ دیا جائے، سینما نہ دیکھیے، وی سی آر سے بچیے، فلمیں نہ دیکھیے، نا محرم لڑکیوں کو مت دیکھیے، اپنی نظر بچائیے، تمام ظاہری گناہوں کو چھوڑ دیجیے۔ اس کے بعد باطنی گناہ ہیں۔ اپنے کو بڑا سمجھنا حرا م ہے، متکبرآدمی جنت کی خوشبو بھی نہیں پا سکے گا، چاہے لاکھ چلّے لگائے، لاکھ تبلیغ کر ے، لاکھ نفلیں پڑھ لے، ایک لاکھ حج کر لے، اگر دل میں رائی کے برابر بھی کبر ہے تو جنت کی خوشبو بھی نہ ملے گی۔ لَا یَدْخُلُ الْجَنَّۃَ وَلَا یَجِدُ رِیْحَہَا 13؎ جنت میں داخل بھی نہیں ہو گا اور جنت کی خوشبو بھی نہیں پائے گا۔ بتائیے کِبر کا علاج ضروری ہے یا نہیں؟ کبر کی بیماری بم کی طرح ہے اور اس کے لیے بم ڈسپوزل اسکواڈ کو کہاں تلاش کریں؟ وہ بم ڈسپوزل اسکواڈ اہل اﷲاور ان کی صحبتیں ہیں۔ اسی طرح ریا یعنی اﷲ کی عبادت مخلوق کو دکھانے اور مخلوق کی نظروں میں بڑا بننے کی غرض سے کی جائے۔اس کی وجہ سے ایک شہید جہنم میں جائے گا، سخی، عالم قاری جہنم میں جائیں گے، صرف دکھاوے کی وجہ سے، کیوں کہ انہوں نے یہ اعمال اﷲ کے لیے نہیں کیے تھے ،دکھاوے کےلیے کیے تھے۔ اس لیے دوستو! یہ عرض کر رہا ہوں کہ اخلاص اہل اﷲ کی صحبت سے حاصل ہوتا ہے۔ تو میں عرض کر رہا تھا کہ دین پر قائم رہنے کے تین نسخے ہیں: ۱)…… اہل اﷲ کی صحبت۔ ۲)…… ذکر اﷲ پر مداومت۔ اپنے شیخ سے کچھ ذکر پوچھ لو، یہ روحانی ٹانک روحانی طاقت اور خمیرے کا کام دےگا ۔ _____________________________________________ 13؎صحیح مسلم:65/1،باب تحریم الکبروبیانہٖ،ایج ایم سعید