آداب محبت |
ہم نوٹ : |
 |
اس وعظ کا تعارف آج مسلمانوں کے زوال کا سبب صرف ایک ہی ہے یعنی اسلام سے دوری اور اس مرض کا علاج بھی صرف ایک ہی ہے یعنی اہل اللہ کی صحبت، کیوں کہ دین کی سمجھ صرف بزرگانِ دین کی صحبتوں ہی سے حاصل ہوتی ہے۔اللہ تعالیٰ کی سنت بھی یہی ہے کہ دین پر استقامت اور ترقی نیک صحبت حاصل کیے بغیر ممکن نہیں۔ شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’آداب محبت‘‘ میں دین کی صحیح سمجھ حاصل کرنے کے لیے عوام اور خواص دونوں کے لیے صحبت اہل اللہ کا اہتمام کرنے کی اہمیت پر زور دیا ہے۔ حضرت اقدس کا ارشاد گرامی ہے کہ علم اور عبادت سے نفس مٹتا نہیں بلکہ اور پھولتا ہے، اسی لیے علمائے کرام اور صوفیاء حضرات کے لیے اپنے مرشد سے نفس کی اصلاح کرانا عوام الناس سے زیادہ ضروری ہے۔ حضرت اقدس نے اس وعظ میں جہاں اللہ والوں کی صحبت اختیار کرنے کی اہمیت پر زور دیا ہے وہیں ان کی عظمتوں اور محبتوں کا حق ادا کرنے کا اہتمام کرنے کی بھی نہایت مؤثر اور دلنشیں انداز میں تاکید فرمائی ہے۔