آداب محبت |
ہم نوٹ : |
 |
مصروفیات سے چھٹی پاکر اور بیوی بچوں سے الگ ہوکر دس منٹ اﷲ کے پاس بیٹھ جاؤ ؎ تمنا ہے کہ اب کوئی جگہ ایسی کہیں ہوتی اکیلے بیٹھے رہتے یاد ان کی دل نشیں ہوتی لیکن گھر سے نہ بھاگو، گھر ہی میں رہو مگر مصلیٰ بچھالو، کعبہ رُو ہو جاؤ تاکہ کوئی تمہیں بلا نہ سکے، دس منٹ تنہائی میں اﷲ کے ساتھ رہنے کی عادت ڈالواور اﷲ کا نام لے کر دیکھو کہ کیا ملتا ہے؟ مگر آہستہ آہستہ ملتا ہے، جیسے بچہ روزانہ بڑھتا ہے لیکن پتا نہیں چلتا۔ اب اگر کوئی روزانہ اپنے بیٹے کو فیتہ لگاکر ناپے کہ آج کتنا بڑھا، آج کتنا بڑھا تو کچھ فرق نہیں معلوم ہوگا، لیکن چھ مہینے بعد ناپے تو فرق پتا چل جائے گا۔ اسی طرح اﷲ کو یاد کرنا شروع کردو، ان شاء اﷲ سال چھ مہینے کے بعد معلوم ہوگا کہ دل کی دنیا بدلی ہوئی ہے، اﷲ کا نور دل میں آرہا ہے اور ہم کہاں سے کہاں پہنچ گئے ہیں ؎ وہ ان کا رفتہ رفتہ بندۂ بے دام ہوتا ہے محبت کے اسیروں کا یہی انعام ہوتا ہے بندہ آہستہ آہستہ اﷲ تعالیٰ کا ہوتا چلا جاتا ہے۔ اﷲتعالیٰ فرماتے ہیں کہ میرے بندے نوافل کے ذریعے میرے اتنے مقرب ہوجاتے ہیں کہ میں ان کی آنکھ ہوجاتا ہوں وہ میری آنکھ سے دیکھتے ہیں،میں ان کے کان ہوجاتا ہوں وہ میرے کان سے سنتے ہیں، میں ان کا ہاتھ بن جاتاہوں وہ میرے ہاتھ سے پکڑتے ہیں، کیا شان ہوتی ہے اولیاء اﷲ کی! موت کے وقت دنیا داروں کی بے کسی جتنے لوگ آج کما کر مونچھوں پر تاؤ دے رہے ہیں اور کئی کئی بلڈنگ بنا کے بیٹھے ہوئے ہیں، مرنے کے بعد جب جنازہ اُترے گا تب ان سے پوچھو کہ سیٹھ صاحب زمین کے نیچے کتنا مال لائے ہو؟ کتنے ٹیلی فون سیٹ لائے ہو؟ کتنے صوفے اور کتنے قالین لائے ہو؟ اور بعض لوگ جو امیر ہیں واقعی قالین بچھائے ہوئے ہیں، لیکن بعض لوگ جو فقیر مسکین ہیں، دنیاوی حالت اچھی نہیں ہے، وہ اپنی آخرت بھی اچھی بنانے کی فکر نہیں کرتے، نامحرموں کو دیکھ کر حرام نظروں کے ذریعے آنکھوں میں حرام لذتوں کے شامی کباب گھسیڑ رہے ہیں، وی