آداب محبت |
ہم نوٹ : |
 |
عرضِ مرتب آج امتِ مسلمہ کے ظاہری و باطنی زوال کا باعث گناہوں کا ارتکاب ہے جس کا اصل سبب اہل اللہ کی بابرکت صحبتوں سے دوری ہے کیوں کہ دین کی سمجھ صرف اللہ والوں کی صحبت سے پیدا ہوتی ہے ورنہ عوام تو کیا خواص اہلِ علم بھی دین کی حقیقت سے آشنا نہیں ہوتے۔ محبی و محبوبی، سیدی و سندی، مرشدی و مولائی شیخ العرب و العجم، عارف باللہ حضرت مولانا شاہ حکیم محمد اختر صاحب دامت برکاتہم کا قرآن و حدیث سے مدلل یہ وعظ جہاں اہل اللہ سے تعلق کی اہمیت و ضرورت کو بیان کرتا ہے وہیں اس عظیم تعلق کی حدود و قیود اور آداب کی حد بندی کو بھی واضح کرتا ہے اور گویا اس شعر کی تفسیر ہے ؎ برکفِ جامِ شریعت برکفِ سندان عشق ہر ہو سنا کے نداند جام و سنداں باختن اللہ تعالیٰ راقم الحروف کو اور تمام امت کو حضرت والا کے علوم اور دردِ محبت کی صحیح قدر کرنے کی توفیق عطا فرمائے اور حضرت والا کا سایہ تادیر ہمارے سروں پر قائم رکھے۔ آمین۔العارض احقر سید عشرت جمیل میر عفا اللہ تعالیٰ عنہ خادمِ خاص عارف باللہ مجدد زمانہ حضرت مولانا شاہ حکیم محمد اختر صاحب دامت برکاتہم خانقاہ امدادیہ اشرفیہ، گلشن اقبال ۲، کراچی