درس مثنوی مولانا روم رحمہ اللہ |
ہم نوٹ : |
 |
اختر کو اپنے مبدءِ فیض سے براہِ راست عطا فرمائی۔ بہ دُعائے بزرگاں بطفیلِ اہل اللہ۔ جس مبدءِ فیّاض سے علامہ آلوسی کو عطا ہوا اسی مبدءِ فیّاض سے اگر اختر کو بھی عطا ہوجائے تو کیا تعجّب ہے۔ وہ چوتھی تعریف یہ ہے کہ جو بندہ اپنی ہر سانس کو اللہ پر فدا کرے اور ایک سانس بھی اللہ کو ناخوش کرکے حرام خوشیاں اپنے اندر نہ لائے یہ بھی صِدّیق ہے۔ اللہ تعالیٰ اپنے کرم سے یہ مقام ہم سب کو عطا فرمائے اور ولایت صدّیقیت کی انتہا تک محض اپنے کرم سے ہم سب کو پہنچادے، اگرچہ ہمارے سینے اس کے اہل نہیں لیکن اے اللہ! آپ تو اہل ہیں ہم نا اہلوں کو اہل بنانے پر بھی قادر ہیں، لہٰذا ہم نالائقوں پر اپنے کرم کی موسلادھار بارش برسادیجیے۔ اٰمِیْن یَارَبَّ الْعٰلَمِیْنَ