مقام اخلاص و محبت |
ہم نوٹ : |
 |
دیکھتا ہے؟ کون وی سی آر دیکھتا ہے؟ کون ننگی فلمیں دیکھتا ہے؟ آنکھوں کی روشنی کا کیا یہی شکر یہ ہے کہ اللہ تعالیٰ کی نافرمانی میں اس کو استعمال کرو؟ روحِ سلوک مجاہدہ کی یہ چوتھی تفسیر جو ہے یعنی گناہ چھوڑنا ،یہ جان ہے سلوک وتصوف کی۔ سلوک میں جو لوگ رُکے ہوئے ہیں یعنی کولہو کے بیل کی طرح چکر کاٹ رہے ہیں۔ کولہو کا بیل جہاں سے چلتا ہے وہیں رہتا ہے۔ سلوک میں جتنے لوگوں کی ترقی رکی ہوئی ہے اور اللہ تعالیٰ کے قربِ خاص سے، اللہ کی نسبتِ خاصّہ سے علیٰ سطح الولایۃ جو لوگ محروم ہیں، اگر تجزیہ کریں تو یہی چیز نکلے گی کہ گناہوں میں ابتلا ہے۔اور گناہوں کی ظلمت اور نحوست کے ساتھ اللہ تعالیٰ کی محبت کی خوشبو کا ادراک کیسے ہوسکتا ہے؟ دس ہزار روپیہ تولے کا ایک عطر ملتا ہے، اس کا نام ہے دُھْنُ الْعُوْدِ اسے بادشاہ اور بڑے بڑے مال دار ہی خریدتے ہیں، لیکن اتنا قیمتی عطر لگا کر اگر وہیں تھوڑا سا بلی کا گُو بھی لگادے تو کیا عطر کی خوشبو آئے گی؟ اسی لیے جتنا زیادہ تقویٰ ہوگا اتنا ہی قلب میں اللہ تعالیٰ کی محبت کی خوشبو کا ادراک بڑھتا جائے گااور اللہ تعالیٰ کی محبت کی خوشبو زیادہ منکشف ہونے لگے گی، جب گناہوں کی نجاستوں سے بندہ پاک ہوجاتا ہے تب خوشبو ئے محبت کا صحیح ادراک ہوتا ہے۔ دل کا سب سے بڑا مرض دل کو غیر اللہ کو دینا ہے، آنکھ سے آنکھ لڑانے میں دل مارا جاتا ہے۔ سہارن پور کے ایک عالم محدث نے اپنے بیان میں کہا کہ آنکھ سے آنکھ لڑتی ہے، تو لڑائی تو آنکھوں کی ہوتی ہے لیکن مارا جاتا ہے دل۔ مجھے ان کی یہ بات بہت پسند آئی کہ لڑی آنکھ سے آنکھ اورمارا گیا دل ؎میر مارے گئے ڈسٹمپر سے ورنہ مٹی کی حقیقت کیا تھی یہ حسین سب مٹی ہیں۔ بس اللہ تعالیٰ نے مٹی پر رنگ وروغن کردیا ہے اور امتحان اسی کا ہے ، اگر کشش نہ ہو اور رنگ وروغن نہ ہوتو امتحان کس بات کا؟ تو ان چار مجاہدوں کے بعد پھر وعدہ ہے ہدایت کے راستے کھلنے کا۔ یاد رکھیے !اللہ کا راستہ ان چار شرطوں کے بعد ہی کھلے گا، پھر اللہ کی رحمت اور دستگیری اور اللہ کا فضل وکرم شاملِ حال ہوگا، اس لیے اس بات کا خوب جائزہ