مقام اخلاص و محبت |
ہم نوٹ : |
|
علامہ بدرالدین عینی رحمۃ اللہ علیہ اور علامہ ابنِ حجر عسقلانی رحمۃاللہ علیہ دونوں محدثین لکھتے ہیں کہ عورتوں کو راضی کرنے اور اُن تک پہنچنے کےلیے ہزاروں مشقتیں کرنی پڑتی ہیں اور یہاں وہ خود بلارہی ہے، یعنی اس کو مشقتِ وصل سےمستغنی کردیا،ایسے وقت میں جو شخص اللہ تعالیٰ سے ڈرکر گناہ چھوڑدے تو یہ کمالِ تقویٰ اور خوف کے انتہائی مقامِ قرب پر فائز ہے، یہ شخص پورا ولی اللہ ہے۔ علامہ بدر الدین عینی رحمۃ اللہ علیہ اس حدیث کی شرح میں لکھتے ہیں کہ اسی طرح اگرکوئی بادشاہ کسی عورت کو بلائے دَعَاھَاالْمَلِکُ اور اس عورت نے کہہ دیا کہ اِنِّی اَخَافُ اللہَ میں اللہ سے ڈرتی ہوں باوجود اس کے کہ میں غریب ہوں ،تو اُس کو بھی یہی درجہ ملے گا۔ یہ شرح عمدۃ القاری کی ہے ۔اور آخر میں علامہ ابن حجر عسقلانی رحمۃ اللہ علیہ بیان کرتے ہیں کہ شَابٌّ جَمِیْلٌ دَعَاہُ الْمَلِکُ لِیَتَزَوَّجَ بِنْتَہٗٗ کسی حسین جوان کو بادشاہ نے بلایا تھا کہ اپنی بیٹی سے اس کی شادی کردے، لیکن اس نوجوان کو معلوم تھا کہ اس بادشاہ میں کچھ گندی عادتیں ہیں،یہ میرےحسن سے غلط فائدہ اٹھائے گا۔ فَخَافَ اَنْ یَّرْتَکِبَ مِنْہُ فَاحِشَۃً وہ حسین نوجوان ڈر گیا کہ بادشاہ اس کے ساتھ کوئی بے حیائی اور گناہ کرے گا فَامْتَنَعَ فَقَالَ اِنِّیۡۤ اَخَافُ اللہَ رَبَّ الۡعٰلَمِیۡنَ 11؎ پس وہ منع کردے اور کہہ دے کہ میں اللہ ربّ العالمین سے ڈرتا ہوں، اگرچہ مجھے شادی بھی کرنی ہے اور مجھے دولت بھی چاہیے، مجھے معلوم ہے تو بیٹی بھی دے گا اور محل بھی دے گا، اور بیٹی کی راحت کے لیے تو شاہی انداز کی دولت بھی دے گا لیکن اس احتیاج کے باوجود وہ نوجوان اللہ سے ڈرکر گناہ سے بچتا ہے اور بادشاہ کی پیشکش کو ٹھکرا دیتا ہے تو علامہ بدرالدین عینی رحمہ اللہ ’’عمدۃ القاری‘‘ شرح بخاری میں لکھتے ہیں کہ اللہ تعالیٰ ایسے شخص کو بھی عرش کا سایہ دے گا۔ تومجاہدہ کی پہلی تفسیر ہوئی اَلَّذِیْنَ اخْتَارُواالْمَشَقَّۃَ فِی ابْتِغَاءِ مَرْضَاتِنَا جوبندے مجھ کو راضی کرنے کے لیے تکلیفیں اُٹھاتے ہیں اور یہ بھی نہیں کہتے کہ بڑی تکلیف ہوئی۔ ارے ! تکلیف ہوئی تو خوشیاں مناؤ کہ اے خدا !یہ آپ کے راستے کا کانٹا ہے، ساری دنیا کے پھو ل بھی اگر اس کو سلامی پیش کردیں تو آپ کی راہ کے کانٹوں کی عظمتوں کاحق وہ پھول _____________________________________________ 11؎فتح الباری للعسقلانی:147/2، باب من جلس فی المسجد ینتظر الصلٰوۃ،دارالمعرفۃ، بیروت