ماہنامہ انوار مدینہ لاہور ستمبر 2016 |
اكستان |
 |
اور اب بحمد للہ دُنیا کے تمام براعظموں میں اِس کام کے ثمرات سے ہر خاص و عام کو اِنتہائی تیز اور مختصر وقت میں اِستفادہ کا ذریعہ میسر آ گیا۔ مولانا ذیشان صاحب اپنے کام کی اِفادیت اور کار گزاری راقم الحروف کے سامنے بھی بیان کرتے رہتے تھے وہ اپنے اِس جذبے کا بھی اِظہار کرتے کہ اُن کی مادرِ علمی جامعہ مدنیہ جدید اِس کام کی سر پرستی کرے اور اِس عملِ خیر کا مر کز بنے اُن کے اِس جذبہ ٔ صادق کا اَثر مجھ پر بھی پڑنا شروع ہو گیا کام کی اہمیت بھی اُجا گر ہوتی چلی گئی، جامعہ مدنیہ جدید میں پہلے سے ''اَلحامد کمپیوٹر لیب'' عزیزم چشتی صاحب اور ڈاکٹر محمد امجد صاحب( ناظم نشرو اِشاعت جامعہ مدنیہ جدید) کی نگرانی میں چند برسوں سے طلباء کے لیے خدمت انجام دے رہی ہے اِس برس کے شروع سے'' مکتبہ جبریل'' باقاعدہ جامعہ مدنیہ جدید کی ''الحامد کمپیوٹر لیب'' میں منتقل ہو چکا ہے اور شب وروز تیزی کے ساتھ اِس ڈیجیٹل کتب خانہ کی توسیع کا عمل جاری ہے، بڑے بڑے کتب خانے صرف چند بڑے شہروں میں ہوا کرتے ہیں اور اُن سے اِستفادہ کے لیے وہاں جانا پڑتا ہے جبکہ ڈیجیٹل کتب خانہ فضا ء میں پھیلا ہوا ایسا غیر مرئی بصری اور سمعی کتب خانہ ہے جسے شہروں گاؤں گوٹھوں پہاڑوں کی چوٹیوں حتی کے سمندر وںاور فضاؤں میں کسی بھی جگہ کمپیوٹر یا موبائل کی کھڑکی سے دیکھا پڑھا اور سُنا جا سکتا ہے۔ اللہ تعالیٰ کا احسانِ عظیم ہے کہ دین کی اتنی بڑی خدمت کے لیے پوری دُنیا میں اللہ تعالیٰ نے جامعہ مدنیہ جدید اور اُس کے فاضل اور اُن کے رُفقاء ِکار کو محض اپنے فضل و کرم سے منتخب فرمایا بلا شبہ یہ سب کچھ بانی ٔ جامعہ کی دُعائِ نیم شب کی قبولیت کے آثار ہیں اللہ تعالیٰ قبول فرما کر سب کے لیے تاقیامت صدقہ ٔ جاریہ بنائے۔ بحمدا للہ ملک اور بیرونِ ملک سے علماء اور طلباء اِس جدید قائم کردہ شعبہ سے اِستفادہ کے لیے تشریف لا رہے ہیں اور جامعہ مدنیہ جدید کی ''الحامد کمپیوٹر لیب ''میں قائم یہ شعبہ اپنی اِنفرادیت اور خصوصیت کی وجہ سے عوام وخواص کی دینی ودُنیاوی رہنمائی اور بھلائی کا ذریعہ بن رہا ہے ، اب تک ڈیجیٹل کتب خانہ میں منتقل ہونے والی کتب کی تعداد تین ہزار تک پہنچ چکی ہے جس کا حجم 65-GB کے برابر ہے ۔