ماہنامہ انوار مدینہ لاہور مارچ 2016 |
اكستان |
 |
ہوا ہوتا ہے، والدین اِس طرف دھیان نہیں دیتے اوریہ سمجھتے ہیں کہ یہ توکار ٹون ہی ہے کوئی حقیقت تو ہے نہیں۔ یادرکھیے ! اگر آج سترو لباس کی اہمیت دل و دماغ میں نہ بیٹھی توپھر آئندہ آنے والا وقت بہت بھیانک صورت اِختیار کرلے گا۔ ( اِنَّ الَّذِیْنَ یُحِبُّوْنَ اَنْ تَشِیْعَ الْفَاحِشَةُ فِی الَّذِیْنَ اٰمَنُوْا لَھُمْ عَذَاب اَلِیْم فِی الدُّنْیَا وَالْاٰخِرَةِ ط وَاللّٰہُ یَعْلَمُ وَاَنْتُمْ لَا تَعْلَمُوْنَ ) ( سُورة النور : ١٩ ) ''یاد رکھو کہ جولوگ یہ چاہتے ہیں کہ اِیمان والوں میں بے حیائی پھیلے، اُن کے لیے دُنیااور آخرت میں درد ناک عذاب ہے اور اللہ جا نتاہے اور تم نہیں جانتے۔'' (٦) طلسماتی کر داروں کاذہن پر حاوی ہونا : چونکہ عمومًا کار ٹون طلسماتی کرداروں پرمشتمل ہوتے ہیں جس میں کار ٹون کردار کوعام اِنسانوں سے ہٹ کر غیر معمولی طاقت وصلاحیت کامالک دکھایا جاتا ہے اِس لیے بچے اُس کردار کے کارنامے دیکھ کراُس سے بہت مر عوب ہوجاتے ہیں پھر خود کو اُس مقام پرتصور کرکے اپنے اَندر بھی اُس نوعیت کی طاقت کی اُمید با ندھتے ہیں، بہت سے کارٹون کر دار اُچھلتے کودتے، اُونچائی سے کود کر غوطہ لگاتے اور بِنا چوٹ کھائے زمین پر پہنچتے نظر آتے ہیں نیز اسلحہ چلنے اور دھماکہ ہونے کے باوجود اُس کا اُن پرکوئی اَثر نہ ہونا بچے کے دماغ پر بہت بُرااَثر مرتب کرتا ہے۔ ''ٹام اینڈ جیری''TOM AND JERRY بہت ہی مشہور کار ٹون اِس کی بڑی مثال ہے جس میں یہ غیر حقیقی کردار لڑتے جھگڑتے ایک دُوسرے کو مختلف گھر یلو ودیگر چیزوں سے مارتے دکھائے جاتے ہیں جوبظاہر بڑا مزاحیہ لگتاہے مگر ایک کم عمر بچہ اِن کرداروں کوشوق سے دیکھ کر نادانستہ طور پر نقصان دہ سر گر میاں سیکھ جاتا ہے اور اُن کو اصل زندگی میں اَپنانے کی کوشش بھی کرتاہے۔ اِسی وجہ سے ١٩٧٠ء کی دہائی میں اِس سمیت دیگر کلاسیکی کار ٹونوں پرکئی ممالک میں پا بندی لگادی گئی تھی۔